Roland Raymond Roldan
(Nakatukdo hali sa Raymond Roldan)
Si Roland Raymond Roldan (gikan sa Syudad nin Naga) sarong parasurat, premyadong parakanta, kompositor, taga-areglo nin musika, paratukdo asin ganador sa National Music Competition for Young Artists (NAMCYA) sa Vocal Solo Category B nin primer premyo kan 1990.
Siya nag-adal nin elementarya sa Naga Parochial School kun sain nakanood siyang magsurat nin mga rawitdawit. Nag-adal siya nin sekondarya sa Holy Rosary Minor Seminary poon 1984 sagkod 1988 kun sain siya nagin kompositor nin musika. Kan 1992, nakamtan niya an titulong Batsilyer sa Arte mayor sa Ingles sa Colegio de Sta. Isabel dangan ipinadagos an pag-adal sa pagkanta sa Kolehiyo nin Musika sa Unibersidad kan Pilipinas sagkod kan 1999.
