Premyo Literaryo Casa de las Américas

An Premyo Literaryo Casa de las Américas (Premio Literario Casa de las Américas) sarong premyong literaryong iginagawad kan Cuban Casa las Américas. Natugdas kan 1959, ini an saro sa pinakahaloy na asin prestihiyosong papremyo literaryo.

An premyo iwinawaras sa mga obrang nasusurat sa lenggwaheng Kastila, Portuges, Ingles, asin Pranses sa mga parasurat nag'eerok sa Latin America asin Caribbean. Dugang pa sa mayor na mga kategorya nin piksyon, rawit, asin saysay, igwa man kategoriya sa naratibo asin pang-aki na literatura.

Mga nanggarana

An hurado sa papremyo naghaharale sa mga prominenteng parasurat, mga akdemiko asin mga intelektwal gikan sa kahiwasan kan Latin America.

An mga iskolar asin mga parasurat na nanggarana na kan premyo iyo sinda Edward Brathwaite, Humberto Costantini, Eduardo Galeano, Renato Prada Oropeza, Susana Rotker, Rachel Beauvoir-Dominique, Françoise Perus, Beatriz González-Stephan, Anthony Phelps, Luis Britto García asin Abel Sierra Madero. Kabali sainda an dakul na mga dai biristong mga parasurat huli kan papremyo, sinda binabarasa na asin saindang mga trabaho napapalis na sa dakul na tataramon, siring halimbawa ki Jorge Enrique Adoum asin Roque Dalton.

An Premyo Casa de las Américas iyo an nakaapod atensyon internasyonal sa literaturang Latin America, asin nagbunga sa mas mabagsik na renasimyento literaryo, mala ta hale sa ronang ini an duwang nakasikwit nin Premyo Nobel sa Literatura na iyo sinda Pablo Neruda kan 1971 asin Gabriel García Márquez kan 1982.