Postcolonial feminism

An Postcolonial Feminism (Post-kolonyal na Feminismo) sarong porma nin Feminismo na nahaman bilang simbag sa klase nin Feminismo na naeeksperyensya partikular kan mga babaying nasa kulturang Subangan. Piggigibuhan kaining paagi na maitala an mga isyus nin racism asin an kaidto pang panahon na epekto kan politikal, ekonomikal, asin kultural na kolonyalismo sa mga bakong-puti, bakong taga-Subangan na mga babayi sa post-kolonyal na kinaban. Naimundag an pormang ini kaidto pang 1980s bilang pagtuyaw sa feministang mga teorista sa mga napapakarhay pa sanang mga nasyun. Igwa ining nosyon na an nagigin pankagabsan na tendensya kan mga naglalataw na feministang mga ideya pigkokontra na an mga babaying nabuhay sa mga nasyun na mayo sa Subangan dai nairerepresentar na tultol.

Pigtutuyaw kan Postcolonial Feminism na an terminong "woman" bilang unibersal na grupo, nililimitaran lugod kaini an mga babayi sa saindang sosyal na estado, rasa, etnisidad, asin preprensyang sekswal. Pigtatrabaho man ninda na magin kasaro kan saindang mga ideya an mga indigenous asin iba pang Third world na Feministang paghiro. An Third world Feminism nagtutubod man na an feminismo sa mga nasyun sa Third World dai man pigguno sa First World, asin an mga ini nagtulubo asin gikan man sa mga pansadiri nindang mga ideolohiya asin sosyo-kultural na mga impluwensya.

An Postcolonial Feminism pigtutuyaw man kan mainstream feminism na ini daa lugod nakakapagpaluya kan mas dakulang porma kan feminismo huli sa pagkakabanga-banga. Pigtutuyaw pa man ini ta nagluluwas na garo pa lugod pigsusuportaran kaini an Femisnismong pan-Subangan.

Kasaysayan baguhon

Feminism logo originating in 1970

Mababanga sa tulong grupo an modenong feministang paghiro. An first-wave feminism nagpoon kan huring parte kan ika-19 siglo, saro ining paghiro kan mga puti, middle-class na mga babayi na yaon sa Norte asin igwa nin mas gulping paagi tangani na makakuwa nin edukasyon asin iba pa man na benepisyo. Ining paghiro na ini solamenteng nagtau nin kaginhawahan para sa mga babaying dati nang igwa sa buhay. Pigtawan pansin kaini an deretsos kan mga babayi asin an pagbusol kan ekwalidad sa legal na aspeto. Dai sana gayung natawan atensyon kaini idtong mga babaying nakadanas nin opresyon sa rasa asin ekonomiya asin napupwersang magtrabaho sa luwas kan harong nin mga blue-collar jobs. Alagad, sa balyo kaini, nakakua man sinda nin dakulang boto para sa mga babayi sa pirang mga nasyun, pigpapakarhay an mga batas na katakod kan dibursyo asin kan pangangataman asin pagmamantener kan mga aki.

Teorya baguhon

Sarong bagong porma nin kaisipan an Postcolonial Feminism. Gibo ini kadakli kan mga teoristang post-kolonyal na igwa nin kaisipan na an manlain-lian na kolonyal asin imperyal na mga relasyon kan ika-19 siglo igwa nin epekto sa mga partikular na kultura. An linya nin Feminismong ini nagtutulod kan mas halawig na persepsyon sa komplikadong pagkakatakod-takod kan opresyon na nag-eeksister sa sarong komunidad.

Relasyon sa Ibang Pan-Subangan na Feminismo baguhon

An Postcolonial Feminism nagpoon bilang kritisismo sa dai pagkakapakarhay kan Pan-Subangan na Feminismo sa saindang paghiro tangani na matukar an mga post-kolonyal na isyu na nagrerepresentar sa mga Third World na Feministang paghiro. An mga Feministang Postcolonial naghahanap nin paagi na maikorporar an paglaban kan mga babayi sa parteng Timog kan kinaban sa mas halawig pang Feministang paghiro.