Poliamori

An poliamori (hale sa Suanoy na Griegong: πολλοί (polloí) 'dakol', asin Latin amor 'pagkamoot') iyo an kaugalean na, o kamawotan, romantikong relasyon sa labi sa sarong kapadis sa parehong oras, na may pagtogot sa gabos na kaiba'. An mga tawo na midbid bilang poliamorus posibleng nagtutubod sa bukas na relasyon na may pakaisi na pagmanehar nin pag-imon asin sinasayumahan an punto - de - vista na an sekswal asin relasyonal na eksklusibidad iyo an rekisitos para sa hararom, dusay, halawig na panahon, mamomoton na relasyon. An iba mas gusto na limitaran an saindang sekswal na aktibidad sa mga miembro sana kan grupo, sarong sirradong polyamorous na relasyon na sa parate inaapod na polifidelidad.

An pinakaamay na disenyo nin wagayway nin poliamori, linikha ni Jim Evans kan 1995. An asul sa wagayway nagrerepresenta sa pagigin bukas asin honesto sa gabos na partners, an pula nagrerepresenta sa pasyon asin pagkamoot, asin an itom nagrerepresentar sa solidaridad sa mga tawong pigtatago an saindang polyamorous na relasyon nin huli sa presyon gikan sa sosyedad. An bulawan na Greek letter pi (pi na nagrerepresentar sa primerong letra kan for polyamory) nagrerepresentar sa kun pano an mga tawong polyamorous pinapahalagahan an emosyonal na pagka-ugos sa saindang relasyon.

An polyamory nagin nang sarong terminong pangkagabsan para sa manlaenlaen na klase nin bakong-monogamous, multi-partner na relasyon, o bakong eksklusibong sekswal o romantikong relasyon. An paggamit kaiyan nagpapabanaag kan mga pagpili asin pilosopiya kan mga indibidwal na kalabot, alagad sa paagi kan paorootrong pagtao nin mga tema o prinsipyo sa buhay, arog baga kan pagkamoot, kadayupotan, pagkaonesto, integridad, pagkapantaypantay, komunikasyon, asin kapanugaan. Kun minsan pwede ining pagkakaiba sa iba pang porma nin etiko na bakong-monogamiya ta an mga relasyon na imbwelto iyo an mamumuton na relasyon na kabaliktaran kan solamenteng sekswal na relasyon sana.