Poligono

Sa heometriya, an poligono (Ingles: polygon) o poligon (Kastila: polígono; gikan sa Suanoy na Griyego: πολύγωνον polúgōnon, πολύς polús "kadakol" + γωνία gōnía "angulo") iyo sarong plano o plane na pigtatakdaan nin mga saradong kapurohan o sirkito na binibilog nin mga may limitasyong sekwensiya (sunod-sunod) kan mga tanos na linyang segmento (o nin saradong poligonal na kadena). An rehiyong plano, an kapurohan, o an parehas, pupuwedeng apudon na sarong poligono.

Manlainlain na klase nin mga poligono: (1) buka (daeng kasagkoran), (2) kapurohan sana (mayong laog), (3) sarado (igwa nin kapurohan asin laog), asin (4) poligonong minalbayo sa sadiri.

An mga segmentong poligonal na sirkito iyo inaapod na mga gilid (edge o side) asin an mga punto na nagsasabatan iyo inaapod na mga bertiko (vertex o corner). An interiyor (laog) iyo minsang inaapod na lawas. An n-gon iyo sarong poligono na may n na gilid. Halimbawa, an sarong triangulo iyo sarong 3-gon.

An simpleng poligono iyo saro kun sain an mga gilid iyo dae minabalyo. Harus, nagtatrabaho an mga matematiko sana sa simpleng poligon, asin tatawan ninda nin kahulogan an mga ini. Pwedeng minabalyo an sarong poligono sa saiyang sadiri sagkod makakahimo nin arug kan poligonong bitooon asin iba pang klase nin poligonong nakikipagsabatan sa sadiri.

An poligono iyo duwang-dimensyonal na halimbawa nin mas heneral na politopo (polytope) sa anuman na bilang nin mga dimensyon. Dakulon pang klase nin mga poligono sa manlainlain na mga katuyohan.

Panluwas na takod

• Weisstein, Eric W. "Polygon". MathWorld. 
• What Are Polyhedra?, kaiba an mga Griyegong Numerikal na Prepikso
• Polygons, types of polygons, and polygon properties, igwa nin inter-aktibong animasyon
• How to draw monochrome orthogonal polygons on screens, ni Herbert Glarner
• comp.graphics.algorithms Frequently Asked Questions, mga solusyon sa matematikong problem na minakalkula sa mga 2D asin 3D na poligono
• Comparison of the different algorithms for Polygon Boolean operations, minakumpara sa mga kapabilidad, rikas, asin numerikal na kakusogan
• Interior angle sum of polygons: a general formula, Minatao nin sarong inter-aktibong imbestigasyong Java na nagpapahiwas sa interior angle sum formula para sa mga simpleng saradong poligono para ibali an mga crossed (complex) polygon