Plantilya:Portal:Kabikolan/Intro

An Rehiyon Bikol (Ingles: Bicol Region o Region V) sarô sa 17 rehiyon kan Republika kan Filipinas. Sakop kaini an Bicol Peninsula sa sur-subangan kan isla nin Luzon asin mga isla kan Masbate sagkod Catanduanes. Inaapod man ining Bicolandia o Kabikolan. Sosog sa sensus kan 1 Mayo 2020, igwa ining 6,082,165 katawong nag-eerok digdi sa 1,207,809 kaharongan. Igwa ining sukol na 18,155.82 kilometro kwadrado.

Binibilog an rehiyon nin anom na probinsya: an Albay, Camarines Norte, Camarines Sur, Catanduanes, Masbate asin Sorsogon. Igwa ini nin sarong nagsasadiring siyudad, an Syudad nin Naga asin anom na kapartidong syudad, an mga nin Syudad nin Iriga, Syudad nin Legazpi, Syudad nin Ligao, Syudad nin Masbate, Syudad nin Sorsogon asin Syudad nin Tabaco. An mga rehiyonal na sentro iyo an Syudad nin Legazpi, an pampolitikang sentro asin Syudad nin Naga, an pinakaprogresibong syudad kan rehiyon asin pangkomersyo, pang-edukasyon, pinansyal, pangrelihiyon asin pangkulturang sentro kaini.