Uyon sa doktrina kan Mga Banal sa Huring Aldaw na kahiroan, an plano nin kaligtasan (bantog man bilang an plano nin kaogmahan) iyo an sarong plano na an Diyos an naglalang tanganing iligtas, tubuson, asin eksultaron an lahi nin tawo. An mga elemento kaining plano naghahale sa kadakol na mga eskriturang kaggikanan, na minabale sa Bibliya, Libro ni Mormon, Doktrina asin Mga Tipan, Perlas nin Dakulang Kahalagahan asin kadakol na bilang kan mga pinagtaram kan mga lider kan LDS na simbahan.

Pre-mortal na Pagkabuhay baguhon

Kan mga 1840s, si Joseph Smith, Jr. nagsabi na an espiritu nin tawo nabuhay na kaiba an Diyos kaidto bago pa an paglalang kan Kinaban. Kaya, an Mga Banal sa Huring-aldaw naniniwala sa pre-mortal na pagkabuhay, na kun saen an mga katawohan literal na espiritung kaarakian nin Diyos. An Mga Banal sa Huring-aldaw pirmeng tinutukdo an Jeremiah 1:5 bilang sarong ehemplo na ebidensiya na yaon sa Bibliya para sa pre-mortal na kamugtakan. Sa seksyon na ini si Jeremiah an propeta pinagsabihan na an Kagurangnan bistado na siya kaidto bago Siya an nagporma saiya sa laog kan tulak asin bago pa man siya nagluwas sa tulak, asin pinagpabanal asin inordinahan na magin sarong propeta sa panahon na idto. Ining katukdoan iyo an primerang pinagbasehan kan ipinahayag na doktrina ni Joseph Smith asin iba pa sa mga amay na mga taon kan Simbahan. Bago pa an kamugtakan na espiritu, an ibang elemento kan espiritu nin tawo, pinag-apod na intelihensiya, eksistido na sa eternal na kamugtakan sa kaparehong kamugtakan nin Diyos na eksistido na sa eternal na kamugtakan, pero yaon sa hababaon na pagprogresong porma nin enerhiya o bagay. Iyo ini an nagpapaliwanag sa katukdoan kan Simbahan na an tawo asin Diyos parehong eternal (ingat na ipinapanungod sa “co-eternal" (kaparehong eternal) gikan sa “equal” (pantay), na bako man sarong parte kan LDS na doktrina). Sa laog kan Mormonismo an Diyos pinaghihiling bilang pareho na Kaglalang asin Langitnon na Ama.