Pinakaenot na Rebelyon kan mga Tsino
An pinakaenot na rebelyon kan mga Tsino kan panahon na an Filipinas kolonya pa kan Espanyol nangyari kan Oktobre 3, 1603.
An istorya kaini, igwang tolong mandarin haleng Tsina na kan Mayo 23, 1603 nagbisita sa Manila. Sa paghapot-hapot kan mga Espanyol naaraman ninda na idto daang tolo naghahanap nin chin san (bukid nin bulawan) sa Kabite alagad nagpurule ta mayo man daang nadukayan na bulawan. An mga Espanyol duda na an tunay na tuyo kan mga mandarin iyo pig'iisi an mga depensa kan siyudad. Kaya si Gobernador Bravo de Acuna nagparasibot na mapakarhay asin mapapusog an mga depensa kan palibot sa siyudad ta kun sakali magbaralik asin mag'atake an mga tsino.
An mga sangley man na residente sa Manila naalarma asin naghuna na sinda gagaradanon kaya sinda enot nang nag'atake kan aldaw nin petsa 3 Oktobre 1603, aldaw na gayong selebrasyon kan Dia del San Francisco. Alagad an mga sangley derotadong gayo asin dakul saindang nagkagaradan sa laban. Mala ta an mga natada sainda nagdurulag pasiring San Pablo, Laguna kun saen an pwersang Espanyol nagbibilang 2,000 katawo pigralapag sinda kan Oktobre 20. Sinasabing sa 30,000 na residenteng Sangley, 23,000 na gayo an nautasan-buhay.[1]
Toltolan baguhon
- ↑ Liao, S.C. Editor. Professor of Economics, University of the East. Chinese Participation in Philippine Culture and Economy. p. 25. Copyright 1964. Kinua 30-10-17.
