Piltik na Malanit
Saro sa mga tokdang rawitdawit ni Lorenzo Rosales, (Siling Layas) na pinaluwas niya sa saiyang kolum na tituladong "Piltik na Malanit", sa Sanghiran Nin Bikol:
PARAHA' NA
- Kan naglihis na Domingo
- na fiesta nin Del Rosario
- nagtiripon sa convento
- kabalakidfan na tao
- Dai kona sabihon pa
- si saindang pag'orogma
- huling igwa nin anyaya
- si Hermano, si Hermana.
- May anyayang pamahawan
- sa gabos na idto duman
- basta daa an pagkakan
- dai magpanganang maray.
- Alagad loba ko sana
- dai ni kinoyog ninda
- ta an katanosan baga
- bako man na "abstenencia".
- Mala ngani' ta nagsabi
- saro kan mga lalake
- "ako ngaya napasini
- ta talagang gomogorolpe".
- Igwa pang nagsabi duman
- na sakuyang nadangog man
- ngaya paha' akong maray
- an halanohan ko alang.
- Ngaya haen daw si Ramon
- Olañong Hermano Mayor
- tibaad pa kon patodon
- an alambreng makonoton.
- Oho ngane' totoo man
- na idtong katiriponan
- si gabos na nag'aagrangay
- ta bio daang ayaay.
- An nagluwas na Hermano
- si Francisco Celebrado
- maray ini ta seguro
- na may dara nin don Pedro.
- Linibot mi an convento
- paghanap mi Domecq Pedro
- an idtoon sanang gayo
- anas na tubig sa grifo.
- Kaya si idtong kadaklan
- na alang si halanohan
- sa lam esa nangatokaw
- si mga lawog mapon'ngaw.
- !Abaa kamo ngaya
- Ramon asin Marcelina!?
- dai nindo aram baga
- na uya kita sa Naga?
- Digdi ngaya aram nindo
- na kon dai nin Don Pedro
- an mga "perfectong" tap
- ma'aanggot na totoo.
- An ginibo kan kadaklan
- huling paha' sindang maray
- si kakanon na pamahaw
- iyo an pinaghimorangsan.
- Si jamon si mantequilla
- sagkod si queso de bola
- si morkon asin iba pa
- si tinaliwas idto ninda.
- Nin huli sa kabasogan
- ninsi mga parakakan
- igwa na sainda duman
- nin nagtoros nin habayan.
- Bago ko ini taposon
- saindo ko ini sasabihon
- si nagluwas sa eleksyon
- na mga hermano mayor.
- Luminuwas na hermana
- si señora Rosalia
- na iyong gobernadora
- agom kan Gobernador ta.
Nota
baguhon- An titulong "Piltik na Malanit" iyo an pangaran kan kolum ni Siling Layas (Lorenzo Rosales) sa Sanghiran Nin Bikol. Bako ini an mismong titulo kan rawitdawit, ta mayo man siyang ikinaag. Seguro pwede tang pangaranan ini na "PARAHA' NA".
Ginunuoan
baguhon- Canaman Through The Centuries. Jose V. Barrameda, Jr. (typewritten and bound). 1982. p. 85.