Pia Wurtzbach

Si Pia Alonzo Wurtzbach (namundag Septyembre 24, 1989) na enot nangaranan na Pia Romero sa telebisyon, sarong Aleman-Filipinong aktres, modelo, TV host asin iyo an presenteng nanggana kan titulong Miss Universe 2015 >gallery> Ladawan:Miss Universe 2015 Pia Wurtzbach 071816 (cropped).jpg|miss universe pia 2015 Ladawan:Miss Universe 2015 Pia Wurtzbach 012616 (cropped).jpg|pia wurtzbach2015 </gallery>

Mga enot na taon

Si Pia Wurtzbach namundag kan ika-24 nin Septyembre, taon 1989, sa Stuttgart, Alemanya alagad an saiyang pamilya naghubo sa Filipinas kan siya sadit asin nagdadaraga pa sana. An saiyang ama iyo si Klaus Uwe Wurtzbach, sarong Aleman, asin an ina niya sarong Filipina. Nagtapos siyang sekundarya sa Siyudad nin Quezon asin nagkua siyang Adal sa Pagluto (Culinary Arts) sa Center for Asian Culinary Studies sa San Juan, Metro Manila. Tatao siyang magtaram Aleman, Ingles, Tagalog asin Sugbuanon.

Karera

Siya modelong propesyonal, artista sa pelikula asin sa telebisyon.

Binibining Pilipinas

Nagbali si Wurtzbach sa Binibing Pilipinas Pageant tolong beses bago nasikwit an titulo sa Binibining Pilipinas Universe. Kan Binibining Pilipinas 2013, siya 1st Runner-up (ika-5ng lugar).^[1] Kan nagbali naman siya sa Binibing Pilipinas 2014, nakalaog sana siya sa Pinakataas na 15.^[2] Nagkaigwa nin kontrobersya igdi ta hinapot siya kan saro sa hurado na si Senador Sonny Angara sa Tagalog na sinimbag niya man sa Tagalog na nagkomento an iba na pwedeng kinaluya niya sa puntos sa mata kaidtong mga huradong bakong Filipino. Sa ikatolo niyang pag'ngata kan 2015, nakamit niya pinakahalangkaw na titulo, an Miss Universe Philippines, asin padagos nakitusay sa patiribayan kan Miss Universe 2015 Pageant.

Miss Universe 2015

Si Wurtzbach pigrepresentar an Filipinas sa Miss Universe 2015 na ginibo kan Desyembre 20, 2015 sa Las Vegas, Nevada, Estados Unidos. Sa katapos-taposi kan pasali, an tagabareta na si Steve Harvey pig'anunsyo na si Miss Colombia Ariadna Gutiérrez iyo an nanggana. Alagad, pakakorona ki Gutierrez, si Harvey nagbalik sa entablado asin pigbuyagyag na nasala siya asin an dapat na koronahan Miss Universe 2015 iyo si Wurtzbach.^[3] Nangyari si Miss Universe 2014 Paulina Vega hinale an korona sa payo ni Gutierrez asin ipinutong ki Wurtzbach. Si Wurtzbach iyo an ikatolong Miss Universe haleng Filipinas sunod ki Gloria Diaz kan 1969 asin ki Margarita Moran kan 1973.

Telebisyon

Taon	Titulo	Papel	Network	Komento'
1996–2011	ASAP	Host / Performer	ABS-CBN
2002	K2BU	Jewel
2003	It Might Be You	Allison / Mary Lou
2004	Wansapanatym: Hardin ng Mga Wenekleks	Garden Fairy
2005–2006	Bora	Pia
2006	Sa Piling Mo	Julia
2011	Maalaala Mo Kaya: Stroller	Elaine
2011	Maalaala Mo Kaya: Birth Certificate	Michelle
2012	Third Eye: Sirena sa Breakwater	Sari	TV5
	Aryana	Sexy Jellyfish	ABS-CBN
	Maalaala Mo Kaya: Komiks	Marilou	ABS-CBN
2013	Binibining Pilipinas 2013	Kandidato	N/A	1st Runner-up
2014	Binibining Pilipinas 2014	Kandidato		Sa 15 Finalista
2015	Binibining Pilipinas 2015	Kandidato		Nanggana
2015	Miss Universe 2015	Kandidato		Nanggana

Mga panluwas na takod

Toltolan

Sarong tamboan an artikulong ini. Makakatabang ka sa Wikipedia sa pagpoon kaining pahina.

[1] ttp://www.rappler.com/life-and-style/specials/bb-pilipinas/news/26248-binibining-pilipinas-2013-winners-crowned Kinua 31-1-16

[2] ttp://www.rappler.com/life-and-style/specials/bb-pilipinas/2014/54281-bb-pilipinas-2014-winners Kinua 31-1-16

[3] ttp://www.newsday.com/entertainment/tv/miss-universe-2015-pageant-mistakenly-crowns-miss-colombia-the-winner-1.11248399 Kinua 31-1-16

[1]

[2]

[3]