Penafrancia Souvenir Program 1941
An Official Peñafrancia Souvenir Program 1941 sarong magasin pinaluwas kan Septyembre 1941 kan Arkidiosesis nin Caceres sa Naga, Camarines Sur kan an munisipalidad na ini bako pang siyudad asin tolong bulan na gayo bago nag'abot an mga Hapon sa Kabicolan kan puminutok an Ikaduwang Gerang Pankinaban. An magasin mahalagang gayo ta ini sarong historikong libro na pigpublikar an mga retrato kan haros gabos na simbahan Katoliko sa hiwas kan arkidiosesis sa Kabikolan na yaon pa sa toltol na kamugtakan na dai pa nag'agi nin paghirahay o paghira asin dai pa man naabot kan ratak kan gerang naghuros sa Bicol paghinapus kan taon 1941.[1]
Sa magasin nalakip man an lista kan mga obispo nin "Diocesis de Caceres" pakapoon kan nagdatong an pwersa kan Espanya kan 1573 sa lumang duluhan nin Naga asin matogdas kan mga Espanyol an diosesis nin Caceres kan 1595 kun kasuarin nanombrahan si Luis de Maldonado bilang pinakaenot na obispo sa diosesis, hanggan sa taon na 1938, kun kasuarin nagtukaw an ika-31ng obispo kan diosesis nin Caceres, si Pedro Santos. Yaon man an historya kun pa'no nagpoon an debosyon ki Inang Penfrancia (Nuestra Señora de Peña de Francia) igdi sa Kabikolan..[2]
Dawa ngani an magasin sarong rekord kan mga relihiyosong aktibidad asin mga nota historiko dapit sa Simbahan Katoliko, ilinakip pa man an mga retrato (pati mga pangaran) kan mga opisyales kan mga manlaen-laen na banwaan sa Kabikolan na nangagin logod haros dokumentong dapit sa gobyerno sibil.[3]
