Paulina Constancia
Si Paulina Constancia sarong Filipino-Canadian na artista na ipinangaki bilang si Maria Paulina Constancia Cornejo Lee kan Disyembre 1, 1970 sa Syudad kan Cebu City, Filipinas. Saro sya sa pigkokonsiderang pinakaprolipiko asin pina-inpiradong artista kan Cebu, Filipinas.
| Paulina Constancia | |
|---|---|
| Kamundagan | Maria Paulina Constancia Cornejo Lee 1 Desyembre 1970 Cebu City, Philippines |
| Nasyunalidad | Filipino-Canadian |
| Agom | Michael Wortman |
| Websityo | |
| www | |
Si Leticia Suarez kan Sunstar Daily nagsabi man na "Her paintings are like a breath of green air in the local art scene. It's like going from the dusty street into a woody hide-away that's full of magical secrets."[1]
Bistado si Paulina Constancia huli sa saiyang maliliwanag na kolor, mga makakaraw na naratibo na nakapinta sa mga quilts asin tiles na mahihiling man sa saiyang mga panurat. Naikaag man saiyang mga pinta sa likod na porsyon kan takop kan Reader's Digest (Asia-Pacific Edition, Disyembre 1997). [2] Nakapagpublikar man sya nin bilingual na koleksyon kan saiyang mga tula na pig-apod bilang Brazos Abiertos/Open Arms (World Poetry Publishing, Vancouver 2003)[3] asin mga halipot na usipon sa Cuentos Hispanofilipinos/Hispano-Philippine Stories (Central Books, Manila, 2009).[4]
Pigpahiling man ni Paulina an saiyang mga gibo sa nasyun kan Philippines, Indonesia, Thailand, Malaysia, Singapore, Japan, the Netherlands, Mexico asin pirang mga syudad sa U.S. asin Canada. Kan taon 1997, pigpabisto sya kan Philippine Centennial Coordinating Council of Northeast USA sa sarong palabas na pig-aapod na "Here's to Sunny!" sa Philippine Center sa syudad kan New York. Kan taon 2000, an saiyang koleksyon nin mga pigpinturahan na quilt na pig-aapod na called "Kleur en ik in de geheime tuin /Hue & I in a Secret Garden" pinahiling kan VHC-Vereniging Haarlemmermeer-Cebu sa Centrum voor Kunst en Cultuur sa Hoofddrop asin Kunst 2001 Gallery sa Badhoevedorp.
An permanenteng koleksyon kan saiyang mga gibo mahihiling sa PAULINA CONSTANCIA Museum of Naïve Art na opisyal na nagbukas kan Mayo 18, 2013. An museo parte kan Cultural Stewardship Program kan West Gorordo Hotel, sa Cebu, Philippines.
Si Paulina naka-istar ngunyan sa Singapore kairiba an saiyang agom na si Michael Wortman asin an saiyang akin a si Lucas Gabriel. Pirming mahihiling an saiyang mga gibo sa saiyang home studio, sa mga blog asin sa pagtutukdo nya mismo nin arte asin paghaman saka sa pagkokonduktar nin art therapy para sa mga babayi sa rehiyon Asia-Pacific.
Toltolan
baguhon- ↑ Suarez, Leticia (October 12, 1996). SunStar Daily Life and Leisure.
- ↑ "Archived copy". Reader's Digest: Back cover. December 1997. Archived from the original on 2015-09-24. https://web.archive.org/web/20150924065236/http://www.paulinaconstancia.com/press/articles/images/rdigest.jpg. Retrieved on 2013-05-28.
- ↑ "Revista Filipina". www.revista.carayanpress.com.
- ↑ "Centralbooks". Cuentos Hispanofilipinos. Archived from the original on 2013-04-25. Retrieved 2021-04-13.
