Patricia Wilde

Si Patricia Wilde (Hulyo 16, 1928 - Hulyo 17, 201) na ipinangaki sa Kanada iyo sarong balerina asin instruktor sa pagbayle. Siya sarong prinsipal na balerina kan New York City Ballet, kun saen siya nag bayle nin lambang mayor na papel sa buong koleksiyon, dakul digdi minukna orog na para saiya ni George Balanchine.

Patricia Wilde
Kamundagan	(1928-07-16)Hulyo 16, 1928 Ottawa, Ontario, Kanada
Kagadanan	Hulyo 17, 2021(2021-07-17) (edad 93)
Trabaho	Prima balerina, Maestra sa bayle
Iba pang mga grupo	National Ballet of Canada

Pakatapos kan saiyang pagretiro hale sa NYCB, naging siyang sikat na parabayle asin maestra sa baley. Kan 1982, siya na-ombrahan na artistik direktor kan Pittsburgh Ballet Theatre kun sain nagserbi siya sagkod 1997.

Siya resipyente kan Dance Magazine Award asin ika-56 na minidbid sa National Museum of Dance Hall of Fame.

An saiyang biograpiya na Wilde Times: Patricia Wilde, George Balanchine and the Rise of New York City Ballet, ni Joel Lobenthal ipinublikar kan 2015 kan University Press kan New England.

Buhay asin Karera

Namundag si Patricia Lorrain-Ann White sa Ottawa, Ontario, Kanada. Si Wilde pinadakula kaiba an duwa niyang matuang tugang na babae kan saindang nagsosolong ina sa saindang manor sagkod kinua ini kan gobyerno kan Kanada.

Sa edad na 13, nag-abot siya sa New York kaiba an saiyang tugang na si Nora para mag adal sa School of American Ballet.

Nagpoon siya kan saiyang karera pakalihis nin sarong taon kaiba an American Concert Ballet asin nagpadagos sa magbayle kaiba an International Ballet kan Marquis de Cuevas, asin an Ballet Ruse de Monte Carlo kun saen nagdanay siyang prinsipal na parabayle sa laog nin apat na taon durante kaini nagtrabaho siya kaiba ni George Balanchine, na nagseserbing chief choreographer kan panahon na idto.

Pagkahale ni Balanchine, si Wilde naghale tangani mag-adal pa manungot sa baley sa Europa. Mantang yaon duman, sarong taon siyang nagtrabaho kaiba an Ballet Roland Pemit asin Ballet Metropolitan of England bago siya kinua ni Balanchine kan 1950 para magbali sa bagong nabilog niyang New York City Ballet.

Sa City Ballet, ta "mahahagad ko saiya an anoman", si Balanchine nagmukna ni lampas 18 orihinal na papel para kay Wilde, kaiba an Highland Girl sa Scotch Symphony, an Pas de Trois sa Swan Lake, asin Glinka Pas de Trois, Square Dance, Waltz-Scherzo, Native Dancers, asin Raymonda Variations.

Bilang sarong bida, si Wilde naglibot kaiba an kompanya sa manlainlain na nasion sa mga maalamat na entablado sa buong kinaban kaiba an: an Bolshoi, Krov, La Scala, Chovet Garden, asin an Paris Opera saka sa Pilipinas, Hapon, asin Australia.

Si Wilde naghale sa City Ballet kan 1965 tanganing magpamilya dawa siya aktibo sa pagbayle bilang sarong maestra. Kan taon man sanang idto, siya inagda ni Rebecca Harkness na maging direktor kan The Harkness Ballet School.

Naghale siya sa Harkness para magtukdo sa School of American Ballet asin sa kahagadan ni Balanchine, tanganing magtabang saiya sa pagtogdas kan eskwelahan nin Ballet de Grand Théâtre de Genève.

Kan 1969 siya nanombrahan na maestra nin baley sa American Ballet Theatre dangan naging direktor kan eskwelahan kaini.

Mantang siya direktor kan eskwelahan sa ABT, si Wilde nagporma kan enot na mga karera ni Cynthia Harvey, Susan Jaffe, Gregorio Osborne, Peter Fonseca, asin Lawrence Pech. Huling minimidbid bilang saro sa enot na makakua asin sakopon an marikas na pag-adal kun sain si Balanchine naghahagad sa saiyang mga gibo, an pagtukdo ni Wilde sinasabing kaipuhan tanganing masabotan an estilo ni Balanchine.

Kan 1982, siya nagsirbe bilang artistik direktor kan Pittsburgh Ballet Theatre, an ikaapat na direktor sa kasaysayan kan kompanya. Sa panahon niya sa PBT pinahiwas niya an koleksiyon na kaiba an mga gibo ni Balanchine, Fokine, Tudor, Nijinska, Ashton, Paul Taylor, asin kan ika-19ng siglo na klasiko.

Dugang pa sia piandakula niya an kompanya asin an pinansiyal na aspeto, naggibo man siya nin sarong pondo para sa mga maretirong parabayle, nagtogdas nin bagong opisina kan kompanya, asin inataman nia an karera ni Ohad Naharin. Si Wilde nagbaba bilang direktor kan PBT kan 1997. Siya naglingkod bilang iginagalang na marhay na maestra sa bilog na kinaban.

Mga Gawad asin Pagbisto

Kan 2013, bilang pagbisto sa "saiyang importanteng marhay na gibo bilang sarong edukador, parabayle asin direktor" si Wilde ginawadan kan Dance Magazine Award.

Kan Agosto 3, 2016, opisyalmente siyang ipinasali sa Mr. and Mrs. Cornelius Vanderbilt Whitney Dance Hall of Fame, sa aratoga Springs, New York.

Personal na Buhay

Si Wilde nabisto si George Bardyguine, sarong teknikal na direktor asin manager sa entablado para sa bayle hale sa Moscow, mantang pasiring sa pagpasyar kaiba an New York City Ballet sa España kan 1952. Pakakasal, nagkaigwa sinda nin sarong aking babae asin sarong lalaki. Nagdanay sindang mag-agom sagkod na magadan si Bardyguine sa edad na 74 kan 1994.

Si Wilde nagadan kan Hulyo 17, 2021.