Patricia Elena Madrigal
Si Patricia Elena Madrigal vda. de Cruz (nmndg: Abril 1, 1942, Pasacao, Camarines Sur) sarong Bikolanang pilantropo asin pintor. Siya nagin Kapitan sa Barangay kan Del Rosario, Pamplona kun saen nagdonar siya nin 2-ektaryang daga para sa Girl Scouts na inapod Camp Patricia. Siring man nagdonar siya nin daga para sa haiskul, kapilya asin kampo para sa Girsl Scouts, gabos yaon sa Del Rosario, Pamplona.
Nagpoon siyang pagklase sa Colegio de Sta. Isabel na ipinadagos niya an saiyang elementarya sa St. Agnes Acamedy, Legazpi City.Sa haiskul, nagtapos siya sa Philippine Women's University asin nakua niya man an Batsilyer en Artes sa Fine Arts sa Unibersidad kan Pilipinas
Saro sa orihinal na kaapil kan Dance Troupe of the Philippines, siya pintor na an ginagamit na medium iyo an oil. Nagin man siyang Presidente kan Girl Scouts of the Philippines, Camarines Sur Chapter, nagpapoon kan pagpatogdok kan edipisyo kan Girsl Scouts igdi sa Panganiban Drive, siyudad kan Naga.
Huli kan maray na palakaw niya kan Bgy. Del Rosario, an barangay na ini natawan onra asin nakamit kani an titulong "Model Barangay" sa enterong Ronang Bicol kan taon 2005.
Ginunoan
baguhon- Folleto nagpapabisto saiya kan SM Naga sa sarong exsibit kan saiyang mga pininta kan Women's Month, Marso 9-13, 2011.
