Pating
An mga pating iyo an sarong grupo nin sirang elasmobranch na midbid sa karakteristiko na cartilaginous skeleton, lima sagkod pitong grill slits sa gilid kan payo, asin mga pektoral fins na dai nakasugpon sa payo. Klasipikado an modernong mga pating sa laog kan clade Selachimorpha (o Selachii) asin iyo an tugang na grupo sa Batoidea (mga pagi asin kaparyentes). An ibang mga reperensia pinalaba an terminong "pating" bilang sarong impormal na kategoriya kaiba an dai na nag-eeksister na mga miembro nin Chondrichthyes (mga sira na cartilaginous) na may garo pating na morpolohiya, arog baga kan hibodonts asin xenacanths. An mga kaagid kan pating na chondrichtyan arog kan Cladoselache asin Doliodus enot na nagluwas sa Devonian Period (419-359 Ma), minsan ngani an ibang fossilized na kiskis na garo chondrichthyan kasing gurang kan Late Ordovician (458-444 Ma).[1] An pinakagurang na modernong pating (selachians) midbid sa Enot na Jurassic, mga 200 Ma.
| Pating | |
|---|---|
| |
| Clockwise from top left: spiny dogfish, Australian angelshark, whale shark, great white shark, horn shark, frilled shark, scalloped hammerhead and Japanese sawshark representing the orders Squaliformes, Squatiniformes, Orectolobiformes, Lamniformes, Heterodontiformes, Hexanchiformes, Carcharhiniformes and Pristiophoriformes respectively. | |
Sayantipiko na klasipikasyon 
| |
| Kahadean: | Animalia |
| Paylo: | Chordata |
| Klase: | Chondrichthyes |
| Subklase: | Elasmobranchii |
| Infraklase: | Euselachii |
| Superorden: | Selachimorpha |
| Orders | |
| Sinonimo | |
| |
An pating may sokol hale sa sadit na dwarf lanternshark (Etmopterus perryi), sarong espesye na nakaistar sa hararom na dagat na 17 sentimetro sana (6.7 pul.) sa laba, sa butanding (Rhincodon typus), an pinakadakulang sira sa kinaban, na minaabot nin mga 12 metro (40 piye) sa laba.[2] Manonompongan sinda sa gabos na dagat asin lakop iyan sa rarom na 2,000 metros (6,600 piye). Sa pangkagabsan dai sinda nag-iistar sa tubig na tabang, minsan ngani may nagkapirang midbid na eksepsyon, arog baga kan bull shark asin river shark, na makukua sa tubig - dagat sagkod tubig na tabang.[3] An mga pating igwa nin nakatatahob na dermal denticles na nagpoprotehir sa saindang kublit sa danyos asin mga parasito apwera sa pagpaoswag kan saindang pluwidong dinamiko. Igwa sinda nin kadakol na set nin nasasalidahan na ngipon.[4]
An nagkapirang espesye iyo an mga apex predator, na kun saen an mga organismo na nasa itaas kan saindang katampad na kakanon. Kaiba sa mga halimbawa an tigreng pating, asul na pating, dakulang puting pating, mako pating, threher pating, asin hammerhead pating.
An mga pating pigdadakop nin mga tawo para sa karneng pating o parikpik kan pating na ginigibong sabaw. Dakol na pating an namemeligro huli sa mga aktibidad nin tawo. Poon kan 1970, an mga populasyon nin pating nainaan nin 71%, na an kadaklan hale sa pangana na pagsira.[5]
Toltolan
baguhon- ↑ Andreev, Plamen; Coates, Michael I.; Karatajūtė-Talimaa, Valentina; Shelton, Richard M.; Cooper, Paul R.; Wang, Nian-Zhong; Sansom, Ivan J. (2016-06-16). "The systematics of the Mongolepidida (Chondrichthyes) and the Ordovician origins of the clade" (in en). PeerJ 4: e1850. doi:. ISSN 2167-8359. https://peerj.com/articles/1850.
- ↑ Pimiento, Catalina; Cantalapiedra, Juan L.; Shimada, Kenshu; Field, Daniel J.; Smaers, Jeroen B. (24 January 2019). "Evolutionary pathways toward gigantism in sharks and rays". Evolution 73 (2): 588–599. doi:. PMID 30675721. https://www.repository.cam.ac.uk/handle/1810/289161.
- ↑ Allen, Thomas B. (1999). The Shark Almanac
. New York: The Lyons Press. ISBN 978-1-55821-582-5. OCLC 39627633.
- ↑ Budker, Paul (1971). The Life of Sharks. London: Weidenfeld and Nicolson. ISBN 9780231035514.
- ↑ Einhorn, Catrin (January 27, 2021). "Shark Populations Are Crashing, With a 'Very Small Window' to Avert Disaster". The New York Times. https://www.nytimes.com/2021/01/27/climate/sharks-population-study.html.
