Patanid na Miranda

Sa Estados Unidos, an patanid na Miranda (Ingles: Miranda warning) iyo sarong klase nin pagreparo na kinaugalean kan pulis sa mga pigdudahan na kriminal gamit sa pag'aresto kan pulis (o sa sarong pag-uusisa nin custodial) na pig'aayog sainda kan diretso ninda na magsilensyo asin, garo man sana proteksyon sa pag-alaman sa sadiri; an boot sabihon, an deretso ninda na magsayumang simbagon an mga hapot o magtao nin impormasyon sa pagpaotob nin ley o iba pang opisyal. An mga deretsong ini parateng inaapod na mga diretso ni Miranda. An katuyohan kan siring na notipikasyon iyo na maingatan an pagkaadmistibo kan saindang mga sinabi durante kan pag-usisa sa criminal proceedings.

Sarong pahina kan manuskripto na pigsurat ni Pamayong Hustisya Earl Warren manungod sa desisyon na Miranda v. Arizona. An pahinang ini pigtogdas an mga basehang pangangaipohan kan "patanid na Miranda".

An katagang ginamit sa sarong patanid na Miranda kinua sa kaso kan Korte Suprema kan Estados Unidos kan 1966 na Miranda v. Arizona. An espesipikong tataramon na ginagamit sa patanid iyo nagkakalaenlaen sa pag-ultanan nin mga hurisdiksyon, alagad an patanid ibinibilang na igo sagkod na tamang ihayag an mga diretso kan akusado kaya aram na kan siisay man na paratangis kan akusado, boluntad, asin madonong. Halimbawa, an patanid puedeng sabihon nin arog kaini:

Pigdadakop ka sa salang ____ . May deretso ka na dai magtaram. Anoman an sabihon mo, mapupwedeng gamiton kontra saimo sa arin man na korte sa Filipinas. May deretso ka na magkaigwa nin matibay asin indipendienteng abogado na pwedeng ika an magpili. Kun dai mo kayang magbayad nin abogado, an gobyerno an matao saimo. Naiintindihan mo an mga deretso na ini?

An patanid na Miranda iyo kabtang nin sarong prebensiidong reglamento kriminal na hinahagad sa ley na itao an proteksion sa indibiduwal na nakabilanggo asin napapairarom sa direktang paghapot o sa pagpunsionar kaiyan na katimbang kan pagbalga sa saindang Deretsong Ikalimang Amendment tumang sa puersahan na pag-ako sa sadiri. Sa Miranda v. Arizona, an Korte Suprema naniwala na an pag - admitir nin sarong matibayon na pahayag paagi sa pinagdududahan na dai aram an mga deretsong ini naglalapas sa Ikalimang Amendment asin sa Ikaanom na Amendment na deretsong magtao nin hatol, sa paagi kan pagbugtak nin mga deretsong ini sa estado nin ley. Na kun sain, en kaso an mga opisyal na nagpapaotob nin ley nagsayuma na mag-oprisir nin Patanid na Miranda sa sarong indibidwal sa saindang kostudiya, mapupwede nindang haputon an tawong iyan asin maghiro segun sa kaaraman na nakua, alagad dai mapupwedeng gamiton an mga pahayag kan tawong iyan bilang ebidensya tumang sainda sa pagbalong kriminal.

Kan Hunyo 23, 2022, an Korte Suprema kan Estados Unidos nagboto nin anom sagkod tolo sa desisyon na si Vega v. Tekoh na an mga pulis dai mapupwedeng ikaso huli sa dai pagtao nin patanid na Miranda.