Parke Ekolohiya nin Siyudad nin Naga

An Parke Ekolohiya nin Siyudad nin Naga o Naga City Ecology Park sarong 3-ektaryang parke na namumugtak sa Sona 6, sa Bgy. San Felipe sa Siyudad nin Naga, probinsya nin Camarines Sur, Filipinas. Ini sarong lugar na pano' nin mga tinanom, mga nagdadarakulang kahoy arog kan pili, akasya, mambog, ipil-ipil, gayaw-gayaw, nara, kamagong, niyog asin dakul pang iba, siring kan mga tinanom na ornamental asin herbal, mga tampong na pang-landscape asin mga hardin na tinuyong pig-landscape siring sa Japanese Garden, Chinese garden, palm garden, etc. Igwa man ikinaag na maze na sarong pagkawat igdi sa paglaog asin dipisil an paghanap kan luwasan. May mga hardin asin mga payag-payag na pahingaloan asin pahayahayan kan mga naglilinga' na harayo sa sibot nin siyudad.

May bayad ini sa paglaog nin beinte pesos, gurang man o hubin asin bukas poon alas 8 abot alas singko nin hapon na iyo na an pagsara.

Kagtugdas kan Parke

An nagmurukna kan Parke iyo an Isarog Garden Society Foundation, Inc., katuwang an gobyerno kan Siyudad nin Naga kan taon 1999, panahon na si Jess Robredo an namamayong alkalde asin an presidente kan Foundaiton iyo si Johnny C.Las, maysadiri nin sarong rural bank.

An mantensyon kan parke tinatabangan man kan mga organisasyon asin pribadong persona na nagdodonar sa pagpakarhay asin pagdonar nin mga pasilidad siring kan mga tukawan asin mga payag-payag asin mga estatuwang pang'accent sa palibot.