Pandesal
An pandesal (Español: pan de sal, lit. "tinapay na asin") iyo an pinakabantog na tinapay sa Filipinas na komun na kinakakan para sa pamahaw.[1] Gibo ini sa arina, yeast, asukar, lana asin asin.[2][3]
_02.jpg) .jpg) | |
| Alternatibong ngaran | Pan de sal |
|---|---|
| Klase | Tinapay |
| Kurso | Pamahaw |
| Ginikanang lugar | Filipinas |
| Pangenot na salak | Arina, yeast, asukar, asin, oil |
Ladawan baguhon
-
Sarong Rolling Pandesal na yaon sa Fundado Canaman, Camarines Sur
Bantog an pandesal bilang sarong tinapay na pinausbog gamit an yeast sa Filipinas. Kinokorte an indibidwal na loaves sa paagi kan pagpaligid sa dough tanganing magin halabang troso (bastón, Kastila para sa "stick") na pinaligid sa pinong rakdag kan tinapay (bread crumbs). Binaranga ini sa saradit na kabtang, pinausbog, asin bineyk.
Komun ining sinisirbe na mainit asin kinakakan na mainit, o sinasawsaw sa kape, tsokolate (hot chocolate), o gatas. Pwede man ining palamanan nin mantikily, margarin, keso, jam, peanut butter, chocolate spread, o iba pang palaman siring kan sugok, sardinas asin karne.
An namit kaini asin tekstura nakakaagid sa mga Puerto Rican pan de agua, French baguette, asin Mexican bolillos. Kontraryo sa saiyang ngaran, medyo mahamis an pandesal kisa maasgad. Kadaklan na panaderya nagpoprodusir nin pandesal sa pagkaaga para sa pamahaw na pagkonsumo, minsan ngani an iba nagbebeyk nin pandesal sa bilog na aldaw.[4][5]
Manlaenlaen na klase baguhon
An ibang pandesal sa mga supermarket asin ibang panaderya bakong maragsip an pan-irarom asin bakong masaga an kolor. Minsan igwa man ini nin dakol na asukar kisa sa tradisyonal na pandesal, kun saen igwa sana nin 1.75% na asukar.[6]
Sa Isla nin Siargao, bantog sa mga lugar para sa surfing, an bersyon na korteng oval na bisto kan mga lokal sa ngaran na "pan de surf" nin huli ta agid ini sa sarong surfboard. Binibeyk ini sa ginibong ovens na ginagatongan nin bunot, asin parating pinapabakal kaiba an pan de coco.[7][8]
Pinaalang asin rinunot na kalunggay o dahon nin moringa an parating sinasalak sa arina para sa dugang na laog na sustansya; inaapod ining "malunggay pandesal" o "malunggay bread".[6]
Sarong bantog na klase nin pandesal iyo an ube cheese pandesal, kun saen pinalamanan nin purple yam (ube) asin palaman na keso. Igwa ining kolor na purple siring kan gabos na kakanon na igwa nin ube.[9] Other contemporary variants include chocolate, matcha, strawberry and blueberry flavors.[6]
An sarong malumoy, kolor giyaw na klase nin Filipino bread roll na nakaagid sa pandesal alagad ini ginamitan nin sugok, gatas, asin mantikilya o margarin midbid bilang Señorita bread, Spanish bread, o pan de kastila. Bakong siring sa pandesal, komun ining kinakaagan nin mahamis na palaman. Mayo ining kinaaraman sa Kastilang pan de horno (midbid man sa Ingles bilang "Spanish bread").[10]
Toltolan baguhon
- ↑ Shah, Khushbu (February 16, 2016). "How Pandesal Became a Filipino Breakfast Staple". Eater. Retrieved April 23, 2017.
- ↑ "Pandesal." Archived February 22, 2014, at the Wayback Machine. Pinoyslang.comArchived January 4, 2015, at the Wayback Machine.. Accessed July 2011.
- ↑ "Pandesal (Filipino Bread Rolls)-The Little Epicurean". August 20, 2015. Retrieved July 20, 2016.[permanent dead link]
- ↑ applepiepatispate.com
- ↑ "Pandesal - kawaling pinoy". December 11, 2013. Retrieved July 20, 2016.
- ↑ 6.0 6.1 6.2 Grana, Rhia (October 18, 2020). "The rise and rise of flavored pandesal, or how a humble bread became a canvas for Pinoy creativity". ANCX. https://news.abs-cbn.com/ancx/food-drink/features/10/18/20/the-rise-and-rise-of-flavored-pandesal-or-how-a-humble-bread-became-a-canvas-for-pinoy-creativity.
- ↑ Catoto, Roel (September 26, 2013). "Pan de Surf". MindaNews. Archived from the original on November 7, 2021. Retrieved November 28, 2018.
- ↑ "Siargao beyond surfing: A 'Biyahe ni Drew' itinerary". GMA News Online. April 24, 2015. https://www.gmanetwork.com/news/newstv/biyahenidrew/475474/siargao-beyond-surfing-a-biyahe-ni-drew-itinerary/story/.
- ↑ "Ube Cheese Pandesal". Kawaling Pinoy. June 3, 2020. Retrieved July 11, 2020.
- ↑ Orillos, Jenny. "Pinoy Bread: 10 Best Panaderia Classics". Spot.ph. Retrieved May 1, 2020.
