Pancho Guedes
Si Amâncio d'Alpoim Miranda "Pancho" Guedes (Lisbon, Portugal, 13 May 1925 – Graaff-Reinet, South Africa, 7 November 2015) sarong Portuges na arkitekto, eskultor, pintor asin edukador.
| Pancho Guedes | |
|---|---|
| Kamundagan | Amâncio d'Alpoim Miranda Guedes 13 Mayo 1925 Lisbon, Portugal |
| Kagadanan | 7 Nobyembre 2015 (edad 90) Graaff-Reinet, South Africa |
| Trabaho | Arkitekto |
| Agom | Dorothy Guedes |
Siya sinasabing saro sa pinakaenot na post-modernist na arkitekto sa Aprika asin representasyon kan Eklektikong Modernista.[2]
Kaamayi nin buhay
baguhonSi Guedes namundag sa Lisbon, Portugal kan 1925. Siya kadugo an Portuges na aristokratang si Luis de Alpoim.
Si Guedes haros an buhay niya yaon namugtak sa Portuges na Mozambique poon edad na 7 taon asin ta diyan na siya guminurang.[3]
Gustong magin sarong artista, siya nag'enrol sa University of Witwatersrand sa Johannesburg kan 1945. Alagad siya nakapag'isip na an arkitektura an saiyang kinakaugmahan ta nakua niya diyan an mga interes niya sa arte.[2]
Karera sa Arkitektura
baguhonSi Guedes nagpoon nang magsibot sa pagtugdok kun ano-anong mga proyekto kan mga 1950, 1960 kan an aktibidad sa konstruksyon nagkusog na marhay sa Mozambique.[2]
Sa East Africa siya nagprodyusir nin mga desenyo sa ginatos na mga edipisyo,[4] kadaklan kaini yaon sa siyudad nin Lourenço Marques (Maputo) alagad igwa man sa Angola, sa South Africa, asin sa Portugal. An saiyang mga mukna pinagsaralak an eskultural asin figurativo sa praktikal na karabuhaton saka sa tradisyonal na identidad lokal.[5]
Si Guedes kaiba sa grupong inapod na “Team 10”, nin mga arkitekto na nagtiripon kan Hulyo 1953 sa Ika-9 Kongreso nin CIAM asin inadoptar an bagong paagi sa sinasabing urbanismo sa pag'anduyog sa maepektong teoritikong framework na nakaimpluwensyang gayo sa paggantad kan Europeong arkitektural na kaisipan durante kan pataposon na an ika-20ng siglo.[2]
An pinakabantog masasabi na desenyo nin edipisyo na minukna ni Pancho Guedes iyo an inaapod na Smiling Lion Building na pinu'nan tinugkok kan 1956 sa Mozambique.[6] Si Guedes apod niya kaining estilo STILOGUEDES na boot sabihon mansana 'GuedesStyle'. An mural sa bandang Sulnopan nakadukot pa asin siring man an "nakangirit na leon" sa Norteng sugod kaini.[7]
Karera artistiko
baguhonMaliban sa saiyang darakulang mga proyekto arkitektural, siya saro man na eskultor asin pintor.
An mga eksibisyon niya kan saiyang arte biswal nangyari sa Berardo Collection Museum sa Lisbon, asin sa iba pang lugar.
Si Guedes nagbakal man kan mga obra ni Paul Klee kan 1948, na saiyang hinahangaan an estilong surrealistiko asin an mga temang infantile. Nagparagibo siya nin mga eskultura na pasabong kan mga Anghel ni Paul Klee sa bandang pataposon na saiyang karera. Saro sa drowing niya na ginibo kan 2015, tituladong 'A Tribute to Paul Klee'.[6]
Problema sa politika
baguhonPakatapos kan kariribokan kan inapod na Carnation Revolution sa Lisbon, naghale siya sa bagong independyenteng Mozambique kan 1974. An Mozambique opisyalmente tinugdas kan 1975 bilang sarong Republika Popular nin Mozambique.
An saiyang biglaan na paglayas sa Mozambique kan 1974 na kasarabay iba pa man na mga Portuges na tinugot sana magdara sinda nin 20 kilogramong pagsasadiri 24/20 deklarasyon haros mapugrot an saiyang pamilya.[4] Huli sa saiyang reputasyon, nakaresibi siya nin imbitasyon na tukawan niya an bakanteng pwesto sa Arkitektura sa University of the Witwatersrand sa Johannesburg.[8]
Kagadanan
baguhonSi Pancho Guedes nagadan kan 7 Nobyembre 2015 sa edad na 90.[9]
Trabaho
baguhon- Simbahan sa Maputo (1962)[4]
-
Edifício Dragão (1953), Maputo -
Prédio Abreu, Santos e Rocha (1953/56), Maputo -
Prédio Spence e Lemos (1964), expanded 2008–2010
.jpg)
Toltolan
baguhon- ↑ "GUEDES, Amancio d'Alpoim Miranda (Pancho)". www.artefacts.co.za. Retrieved 2021-07-09.
- ↑ 2.0 2.1 2.2 2.3 "Pancho Guedes, Sculpting a New Africa". ArchDaily (in English). 2021-07-09. Retrieved 2021-07-09.
- ↑ "PANCHO GUEDES, ARCHITECTURE ON A GRAND SCALE". Dorisglason.net. Archived from the original on 7 March 2016. Retrieved 26 June 2011.
- ↑ 4.0 4.1 4.2 [Magical Mozambique] ni Tom Downey, Wall Street Journal Magazine Oktobre 2013 pahina 83 (igwang retrato sa luwas na patos)
- ↑ "Amancio Guedes - architect, sculptor, painter". www.guedes.info. Retrieved 2021-07-09.
- ↑ 6.0 6.1 "Pancho Guedes, un grand maître portugais". Magazine Singulart (in French). 2021-01-20. Retrieved 2021-07-09.
- ↑ "O Leão que Ri - Smiling Lion details". www.artefacts.co.za. Retrieved 2021-07-09.
- ↑ Guedes, Amancio (2007). Manifestos, papers, lectures, publications. Lisboa, Portugal: Ordem dos Arquitectos. p. 6. ISBN 9789728897246.
- ↑ Architect Africa: Obituary Archived 2018-05-24 at the Wayback Machine., 7 November 2015
Mga panluwas na takod
baguhon| An Wikimedia Commons igwa nin medya dapit sa Pancho Guedes. |
- Official site Archived 2016-01-11 at the Wayback Machine.
Sarong saringsing an artikulong ini. Makakatabang ka sa Bikol Wikipedia sa pagparambong kaining pahina.