Paladyo

An paladyo (Ingles: palladium) iyo sarong elementong kimikal na simbolong Pd asin atomikong bilang na 46. Ini iyo sarong bihira asin lustrong mala-pirak na puting metal na nadiskobre kaidtong 1803 kan Ingles na kimikong si William Hyde Wollaston. Pigpangaran niya ini pakatapos kan asteroyd na Pallas.

Sarong halimbawa nin metal na paladyo

An paladyo, platino, rodyo, rutenyo, iridyo, asin osmyo iyo nagmomokna sa grupo nin mga elemento na inaapod bilang platinong grupo nin mga metal (PGMs). Igwa sinda nin mga kaparehas na kimikal na karakter, pero an paladyo iyo an may pinakahababang punto nin pagkatunaw asin iyo an may pinakahababang densidad sa nasambit sa grupo.

Panluwas na takod

• Palladium sa The Periodic Table of Videos (University of Nottingham)
• Current and Historical Palladium Price
• Special Market Report on Palladium and Precious Metals
• "Palladium". Encyclopædia Britannica (in English). 20 (11th ed.). 1911. pp. 636–637.