Palindromo

An palindromo sarong kataga', sinurogpon na mga kataga, numero, o anoman na pasunod-sunod na karakter na kun basahon paboro-baliktad parehas sana an tanog asin dapat pareho sana an kahulogan.

Palindromo sa pangurusan sa San Martin, Ludgare

Mga halimbawa: papa, madam, baba', la'la', ga'ga', ra'ra', ma'ma', ya'ya'. Totoo, sa mga halimbawa na ini kabanga sana an palindromo, o masabi palindromo sa silaba sana ta an lala kuta alal, an gaga kuta agag asin siring man an minasurunod, asin mayo man ining mga kahulogan.

Kun an binaliktad na kataga igwa pa man giraray kahulogan alagad iba na sa dati, ini inaapod sa Ingles na Semordnilap arog halimbawa kan Ingles na 'stressed' na nagigin 'desserts' o sa Bikol, 'lobot' nagigin 'tobol', 'uyam' nagigin 'mayo', 'kiki' nagigin 'ik-ik', asbp.

An taramon na 'palindromo' inimbento ni Ben Jonson, sarong Ingles na dramatista, kan ika-17ng siglo na hale sa Griyegong poon palin (πάλιν;liwat) asin dromos (δρóμος;agi, direksyon).

Ambigram kang palindrome na "Dogma I am God"

Panluwas na takod

• Ama na an Aki, Ika na an Ama - sarong rawitdawit ni Irvin Sto. Tomas