Mga pulang nagpapalba


An palba [1][2][3] iyo an tataramon kan mga bungog asin pula. Ini anas sana inaagi sa pagmanya sa kamot, sa pagpahiling kan ekspresyon nin lawog, asin posisyon kan hawak sa pagpahayag kan sinasaboot, palibhasa dai makaboses asin dai makasawo' nin mga tanog nin lenggwaheng nginunguso. An pagpalba iyo an ubod kan kultura kan mga bungog dawa totoo ginagamit man ini kan mga tawong bako man bungog alagad mayong kakayahan na magtaram.

An mga linggwista hinihiling na an pagpalba kadakul pagkaagidan sa mga tinataram na lenggwahe asin ta sinda konsiderado an duwa na mga kapwa natural na lenggwahe. Igwa man sindang pagkakaiba, arog halimbawa an paggamit kan espasyo sa gramatikal na paagi. Alagad, an duwa may mga linggwistiko propiedad asin ginagamit pareho an mga kakayahan nin lenggwahe

Bakong malinaw kun pira talaga an palbang tataramon sa kinaban pero igwang salang pagtubod na pararehas sana an mga ini dawa saen na parte sa kinaban makukua. Lambang nasyon may nagtalubo na sadiring palbang tataramon pero may poagkakaa'agidan man sinda. An edisyon kan 2013 Ethnologue nalista an 137ng palbang tataramon. An iba kaini binisto legalmente pero an iba mayong masabing status. An mga linggwista iniiba an mga natiural na pagsenyas na lenggwahe sa mga ibang sistema na nagpoon igdi o naenot pa igdi, arog kan mga kodigo manual para sa mga tinataram na lenggwahe , mga maro-manya sa laog nin harong, mga pagsenyas kan mga omboy o anopaman na pagmanya kan mga kabalang.

Mga panluwas na takodLiwaton

  • [1]British Sign Language. Kinua 29-7-16.
  • [2]Iba-ibang palbang tataramon sa kinaban. Kinua 29-7-16.

Mga kahulogan kan pagpapalbaLiwaton

ToltolanLiwaton

  1. palba. Adrados, Jerry Escoto. Daratangan Na Olay. Common Language of the Bikolnon. Other Option Promotions. Tabaco City. 2012. p. 277. ISBN 978-971-95468-0-1
  2. palba. Mintz, Malcolm W. Bikol Dictionary. Volume II. Bikol-English Dictionary. Uniprint. Perth, Western Australia. 2004. p. 771. ISBN 0 9580383 5 X
  3. palba. http://quod.lib.umich.edu/p/philamer/aqa2025.0001.001/274?q1=palba&view=image&size=150. p. 273