Palawan (kasangkapan)

An palawan o palaw sarong tradisyonal na gamit o kasangkapan sa pagbubunot kan bunga nin niyog. Ini parati metal o matagas na kahoy na patindog asin an poro may panas o tarom sa pagtusok asin pagbaligwat kan patos na bunot kan niyog. Pag nahubaan na nin bunot, an niyog inaapod nang 'tibuho' o 'tibo'o'.

Palaw, kasangkapan na pambunot sa niyog

An bunga nin niyog mas nahahaloy an pagsaray asin dai tolos nararaot kun dai pa nabubunotan. An pagpalaw kun siring iyo kun may intensyon nang gamiton an tibuho' sa pagluluto o tuyong ititinda sa saod.

Nognyan na modernong panahon igwa na totoo nin mga mas komplikadong makina sa pagbunot kan niyog orog na kun lagdoan nang gayo an bubunotan. An mga makinang ini nagkukuang pwersa sa pag'itok sa elektrisidad asin mayor na piyesa igdi iyo an motor na napaitok kan duwang ehe na may mga nagsasarabatan na ngipon napa'kit kan nakapatos na bunot nin niyog.