Paghiro sa klima
An paghiro sa klima sarong pankinaban na sosyal na mobimyento nakasentro sa pag-agyat sa mga gobyerno asin industriya na maghiro (inaapod man na "aksyon sa klima") na nagpapanungod sa mga kawsa asin epekto kan pagbago nin klima. Maski ngani an mga gamot kaini guminikan sa mas mahiwas na paghiro sa kapalibutan, an aktibismo sa klima nagkamit nin dakulang pwersa kan 2010s, partikularmente pakatapos na pirmahan an Kasunduan sa Paris kan 2016. An paghiro nabisto pa sana sa lagduan na mobilisasyon asin darakulang protesta arog kan 2014 People's Climate March, 2017 Global Climate March asin September 2019 climate strikes. An aktibismo asin partisipasyon kan mga hobenes nagkaigwa nin mahalagang kabtang sa ebolusyon kan paghiro pakatapos kan pagtalubo kan Fridays For Future na pinunan ni Greta Thunberg.[1]
Kan 2019 si Greta Thunberg, na 16-anyos kaidto, nagdara man nin atensyon sa media sa ideya nin hustisya sa klima. Kada Byernes dai sya nalaog iskwelahan para magwelga para sa klima. Pigsahutan nya an mas gurang nang mga henerasyon asin mga lider arog kan mga myembro kan Swedish Parliament na dai pig-aataman an puturo kan saiyang henerasyon.[2][3] An radikal na paagi nin pagprotesta ni Greta Thunberg hinimo an "The Greta effect" na nagpukaw sa bagong henerasyon na manindugan sa hustisya sa klima bilang sarong politikal na isyu.[2] Pig-ibahan sya nin dakol pang estudyante sa saiyang welga sa iskwelahan taganing atubangon an pagbago nin klima. Nainspirar nin ni Greta Thunberg, pigpunan ni Vanessa Nakate an saiyang sadiring pagwelga para sa klima sa Uganda. Sya parte man kan grupo nin mga aktibistang hobenes na nagtaram sa COP25, asin sa Davos tinaggal sya sa retrato kaiba an mga kapwa aktibista. Nagpadagos sya sa pagpahayag nin manungod sa pagkakaiba-iba sa laog kan paghiro sa kapalibutan asin nagboses sa pagpara sa mga aktibista sa klima na igwang kulor.[4]
Susugan
baguhon- ↑ Maher, Julie. "Fridays For Future: A Look Into A Climate Change Movement". Retrieved 1 February 2022.
- ↑ 2.0 2.1 Kühne, Rainer Walter (2 September 2019). "Climate Change: The Science Behind Greta Thunberg and Fridays for Future". Center for Open Science (Preprint). doi:10.31219/osf.io/2n6kj. S2CID 203005125.
- ↑ Ringstrom, Anna (12 October 2021). "Thunberg says COP26 is time for leaders to be honest". Reuters. Retrieved 7 November 2021.
- ↑ "'Like I wasn't there': climate activist Vanessa Nakate on being erased from a movement". The Guardian. 29 January 2020. Retrieved 28 November 2020.
