Padurunongan 2016

An Ikapitong Padurunongan sa Canaman, Camarines Sur ginibo kan Agosto 27, 2017 bilang parte kan Bulan nin Tataramon sagkod Bulan nin Kasaysayan. Pinadalagan ini kan lokal na gobyerno sa pakikipagtabangan kan Departamento kan Edukasyon sa banwaan nin Canaman asin kan Sumaro Bikolnon. Pinadrinohan ini kan Parasurat Bikolnon, Apolonio B. Sto. Tomas Foundation, asin nin mga indibidwal na nagtutulod kan kulturang Bikolnon.

Sa ikaduwang pagkakataon, nagunò liwat kan Palo Elementary School an kampeonato sa Tigsik huli sa eskwelang si Chris Ryan S. Madrid, siring man kan Kurtland Grade School an kampeonato sa Dama nin Tataramon sa ngaran ni Nasha Mae T. Obaña huli kaini nakamtan man kan eskwelahan an Tropeo nin Kampeonato.

Ginawadan sa okasyon si Danilo Gerona nin pagmidbid kan Sangguniang Bayan na inirepresentar ni Kagawad Sabas Chica kan Canaman, Camarines Sur huli sa saiyang librong Ferdinand Magellan: The Armada De Malucco and the European Discovery of the Philippines asin onrang nakamtam huli kaini. Nagin bisitang tagapagtaram man siya sa okasyon.

An mga paratukdô na sinda Sabina Decasola (South Villazar Elem. School) asin Gemma Mandia (Tara Elem. School) kan Sipocot District, asin Anthony Diaz asin Imelda Brazal kan Parasurat Bikolnon, iyo an nagin mga hurado sa patiribayan sa Tigsik.