Osip Braz
Si Osip Emmanuilovich Braz (Russian: Осип Эммануилович Браз; 16 Enero 1873 sa Odessa – 6 Nobyembre 1936 Paris) sarong Ruso-Hudyo na pintor.
| Osip Braz | |
|---|---|
 Sadiring retrato | |
| Kamundagan | 16 Enero 1873 Odessa, Kherson Governorate, Russian Empire |
| Kagadanan | 6 Nobyembre 1936 (edad 63) sa bandang Paris |
Biograpiya
baguhonNagpoon siya kan saiyang adal sa Odessa, ngonyan Ukranya, asin pinadagos sa Munich (1891–1893), kun saen siya nag'adal sa Academy of Fine Arts, Munich. Durante kan pag'estar niya sa Europa, inadalan niya an Europeong Sulnopan na estilo nin pagpintura, na nagkaigwang gayo nin impluwensya sa saiyang trabaho. Paghale sa Alemanya, siya nagpasiring sa Paris, dangan sa Netherlands kun saen siya nag'adal sa mga Olandes na mga batikanong pintor.[1] An naguno' niyang hustong kabatiran sa pagpintura dakulang gayong papel na nangawat sa karera niya bilang artista. Kan 1895-1896, siya nag'atender sa Saint Petersburg Academy of Fine Arts, na yaon sa talyer ni Ilya Repin.[1]
Sa masurunod na mga taon, serye nin mga paggibong retrato para sa kapwa artista an sini botan niya, kabali na diyan si Leonid Pasternak asin si Sergey Ivanov, asin mga prominenteng pigura nin kulturang Ruso para ki Pavel Tretyakov nagdarang kabantogan ki Braz. An pinakabantog na trabaho niya iyo an pinta niya kan 1898 sa parasurat na si Anton Chekhov. An saiyang kahusayan nahihiling sa mga nakaeksibit nin mga ta'nawon yaon sa Pransya, sa Crimea, asin Finlandya, na ini resulta kan mga byahe niya sa mga lugar na ini. Poon 1900 abot 1905 siya naglektura sa saiyang studio sa may Salog Moyka. Kan 1907 si Braz nagduman sa Pransya, kun saen nag'estar siya abot 1911. An mga lataw na kahamanan sa arteng Pranses nag'impluwensyang gayo sa trabaho niya. Kan 1914 si Braz nangagin akademiko, asin myembro kan komisyon sa pagsulit kan mga pinta nasasaray sa Hermitage Museum. Sa mga enot na taon kan poder nin Sobyet, siya nanombrahan na curator kan Hermitage.[2]
Kan 1924 si Braz inakusaran sa palsong kargo na nagbabakal mga pintura para sa pag'eksport sa abroad, asin sa pag'eespiya, asin ta siya nakulong tolong taon sa Solovki prison camp, manta an saiyang mga koleksyon sa arte pigkumpiskar urog na kaiba mga importanteng obrang Holandes gikan pang ika-17ng siglo asin nagin pagrorogaring kan estado. Kan kahurihi nin 1926, siya pinalibre sa hurot kan mga sosyedad artistiko sa Leningrad. Ngani makarayo sa ano pa man na mga ribok, siya naghubo' sa Alemanya kan 1928, asin dangan nag'estar sa Paris.[1] Naubos niya mga tada niyang mga taon sa Paris, kun saen igdi padagos pagpinta niya, pagnegosyo sa mga lumang antique asin pagdadamot kaini.[2]
Mga piling pintura
baguhon-
Anton Chekhov (1898) -
Saint Petersburg (c.1915) -
Pintura nin prutas, may gulay asin sira -
Si Countess Elena Tolstaya (1900) -
Leningrad (c. 1915)
-
Emmanuilovich, sarong baryong Pines -
Mga tore sa Kremlin -
Sa banggi, sa may danaw-danaw
Toltolan
baguhon| An Wikimedia Commons igwa nin medya dapit sa Osip Braz. |
- ↑ 1.0 1.1 1.2 "New Classics" (in Russian). Archived from the original on February 21, 2010. Retrieved February 29, 2012. Unknown parameter
|url-status=ignored (help) - ↑ 2.0 2.1 "Maslovka.org" (in Russian). Retrieved February 29, 2012.
