Oscar De La Hoya

Si Oscar De La Hoya (namundag, Pebrero 4, 1973 sa East Los Angeles, California) sarong Mehikano-Amerikanong boksingero.^[1]^[2] Nabansagan "The Golden Boy", si De La Hoya nagkamit nin medalyang bulawan sa Barcelona Olympic Games pakagraduar niya sa Garfield High School. Siya hale nanggad sa pamilya nin mga boksingero. An lolo niyang si Vicente, si ama niyang si Joel, Sr., asin an tugang niyang si Joel, Jr. anas boksingero. Si De La Hoya iyo an "Fighter of the Year" kan magasin na The Ring kan taon 1995 asin kan 1997 asin 1998, an magasin na ini inapod man siyang "Pound for Pound Fighter." Nagretiro siya sa isport na ini kan opisyalmente pig'anunsyo niya an saiyang pagreretiro sa sarong kumperensya sa prensa kan Abril 14, 2009.

Si De La Hoya nanaog sa 17 kampyon nin kinaban, asin ginana an 10 na titulong pangkinaban sa anom na iba-ibang kategorya nin timbang.^[3]^[4] Siya an nagkakwarta nin husto, labi pa sa isayman na boksingero sa historya kan isport na ini, ^[5] na tinataya mga $695 million pay-per-view na kita.^[6]

Nagpundar siya kan Golden Boy Promotions, sarong combat sport promotional firm. Siya man an pinaka'enot na Amerikanong dugong gikan sa Espanyol na nakarogaring nin sarong nasyonal na pamboksing na kumpanya promotor kan isport na ini.

Ultimong laban ni De La Hoya bago siya nagretiro iyo idtong laban niya ki Manny Pacquiao (47-3-2) sa MGM Grand, Las Vegas na ipigtolod kan Golden Boy Promotions asin Top Rank, Inc, mga kumpanya na sadiri mansana ni De La Hoya. An laban 12-hornadang dai-tituladong pagboboksing sa 147-librang limite nin welterweight. Igdi nadaog si De La Hoya, asin an saiyang korner pinapondo na an laban pakatapos kan ika-8ng hornada.

Toltolan

Mga panluwas na takod

Sarong tamboan an artikulong ini. Makakatabang ka sa Wikipedia sa pagpoon kaining pahina.

[1] ttp://www.answers.com/topic/oscar-de-la-hoya-1

[2] ttp://www.infoplease.com/biography/var/oscardelahoya.html#axzz0xiFkUQQf

[3] ESPN Deportes Unveils List of 'Next Hispanic Athletes'

[4] Oscar De La Hoya

[5] Oscar De La Hoya vs Steve Forbes Betting Preview - Boxing's richest fighter of all-time, Oscar "Th

[6] Bye Bye Golden Boyfriend

[1]

[2]

[3]

[4]

[5]

[6]