Oragonon
An Oragonon (2004 - 2007) sarong bulanan na magasin pinupublikar sa syudad kan Naga, Filipinas. Ini naglalaman parati nin mga bareta asin mga artikulo manongod sa pulitika asin mga pulitiko asin mga tampok na artikulo dapit sa negosyo, turismo, historya asin kultura. An saiyang tagapaglagda iyo si Ernesto U. Pereda asin an editor iyo si Mike a. Aguilar II. Ini pinapalakop sa bilog na rona nin Bicol asin sa Metro Manila saka sa ibang parte nin Luzon.
An magasin lisong nasusurat sa Ingles.
An saiyang mga staff writer iyo sinda Maryanne Moll, Marianne M. Olaño, Manny M. Ugalde. Saiyang konsultant editoryal iyo si Emil S. Saavedra. An saiyang opisina yaon sa Nu. 2, Zone 2, Tapas Compound, Syudad nin Naga.
