Oprah Winfrey
Si Oprah Gail Winfrey (nmdg., Enero 29, 1954) sarong Aprikanang-Amerikanang negosyante, aktres asin host sa telebisyon. Kagsadiri siya nin magkapirang mga libro, magasin, asin mga pelikula, laen pa kan saiyang programa sa telebisyon, an bantogan asin lakopan nang The Oprah Winfrey Show, na nasa ere sa bilog na Estados Unidos poon pa kan Septyembre 8, 1986. An programa niya natantong iyo an pinakapopular na sa ayre, asin siya an binibistong pinakamayaman na Aprikano-amerikana kaining ika-20ng siglo. Siya man an natantya na pinakalataw na pilantropong itom sa historya kan Amerika. Susog pa sa ibang nagmamasid, siya an pinaka- maimpluensyang babae na sa kinaban.
| Oprah Winfrey | |
|---|---|
 Oprah Winfrey kan 2014 | |
| Kamundagan | Orpah Gail Winfrey[1] Enero 29, 1954 Kosciusko, Mississippi, U.S. |
| Dinakulaan | Montecito, California Lavallette, New Jersey Telluride, Colorado Maui, Hawaii Chicago, Illinois Fisher Island, Florida |
| Alma mater | Tennessee State University |
| Trabaho |
|
| Mga taon na aktibo | 1983–presente |
| Sweldo | $75 million (2013)[3] |
| Yaman | US$ 2.9 billion (2017)[4] |
| Kasaroan | Stedman Graham (1986–presente) |
| Mga aki | lalake, ngaran dai isi (namundag mga 1968, nagadan mga 1968) |
| Lagda |  |
| Websityo | |
| oprah | |
Si Winfrey namundag sa makuring kadukhaan sa Mississippi sa sarong ina na hubin pa asin nabadosan lang, dangan nagdakula sa sarong syudad sa Milwaukee. Nag'agi siya nin labilabing pagtios kan siya aki pa, kabali na diyan an malupig sa edad na siyam asin magbados sa edad na 14; an aki niya nagadan man ngane sa pagka'omboy. Pinadara siya sa sarong lalake na binisto niyang ama, sarong barbero sa Tennessee, asin duman nakakuang trrabaho sa sarong istasyon nin radio manta nasa haiskul pa asin nagpoon na siyang katuwang magkapot nin sarong programa sa pagbabareta na pambanggi, sa edad pa sanang 19. An saiyang pagtataram na pano nin mate asin sa biglaan na sitwasyon nagtolod saiya na makabalyo sa aldawan na talk show, na huli sa saiyang maray na diskarte, napakusog niyang gayo sa primer lugar an programa, asin ini an nagbungsod saiya na makakaag nin sadiring kompanya sa produksyon na nagin internasyonal an sakop.
Mga panluwas na takod
baguhon- www.oprah.com, Websayt ni Oprah
- Mga bareta manongod ki Oprah Winfrey Archived 2017-09-15 at the Wayback Machine. asin mga retrato, sa OprahGailWinfrey.com
Toltolan
baguhon- ↑ Winfrey has said in interviews that "my name had been chosen from the Bible. My Aunt Ida had chosen the name, but nobody really knew how to spell it, so it went down as "Orpah" on my birth certificate, but people didn't know how to pronounce it, so they put the "P" before the "R" in every place else other than the birth certificate. On the birth certificate it is Orpah, but then it got translated to Oprah, so here we are." "Oprah Winfrey Interview". Academy of Achievement. January 21, 1991. Archived from the original on January 19, 2016. Retrieved August 25, 2008.
- ↑ "Oprah Winfrey". IMDb. Retrieved March 28, 2015.
- ↑ "The World's Most Powerful Celebrities List". Forbes. http://www.forbes.com/wealth/celebrities/list?ascend=true&sort=moneyRank. Retrieved on May 21, 2013.
- ↑ "#184 Oprah Winfrey". Forbes. http://www.forbes.com/profile/oprah-winfrey/. Retrieved on May 10, 2017.