Omar asin Abdullah Maute
Si Omar asin Abdullah Maute mga militanteng Moro na iyo an kagmukna kan grupong Dawlah Islamiyah (Estado Islamiko) sa isla nin Mindanao, Filipinas na mas komun na bisto sa inaapod na Grupong Maute, pangaran na ginuno sa saindang apelyido.
Katalikdan baguhon
Si Omar Maute asin Abdullah Maute magtugang. An mga magurang ninda iyo si Cayamora asin Farhana Maute na sinasabing mayayaman huli sa negosyo ninda sa konstruksyon. [1] [2]Sinda gikan sa Maranaw na tribu na mga taga-Butig, Lanao del Sur. An magtugang nagin trabahador sa Tangang Subangan. Manta na nagtatrabaho sa mga eskwelahan sekular sa Syria asin United Arab Emirates, an magtugang nag'adal nin teolohiya Islamiko. Si Omar nag'adal daa sa Ehipto asin si Abdullah sa Jordan. An ama ninda, susog sa mga pahayag kan militar kan gobyernong Filipino na iyo si Cayamora Maute, sarong opisyal kan Moro Islamic Liberation Front (MILF). Kan an huri nakipagnegosyar sa gobyerno Filipino, an mga Maute dai nag'oyon sa ginigibo kan liderato kaini asin logod nagkampi asin nagpasangkob sa pwersa kan ISIS. Ngapit an mga Maute nakipagtrato ki Ameril Umbra Kato, an kagmukna kan Bangsamoro Islamic Freedom Fighters (BIFF), kaya sana ta an huri huli sa hypertension nagin padad asin naparalisar an walang kabtang kan saiyang hawak asin an magtugang padagos nang tinogdas an grupong Maute.
Buhay personal baguhon
Si Omar Maute, na sinasabing mahusay sa tataramon na Indones, agom an aking babae kan sarong pading Islamikong Indones na si Madrais Hajar. An magtugang na Maute may saro pang tugang na si Hashim asin ini nakukulong alagad kan kariribokan sa Marawi, an huri nakadulag sa preso.
May report kan Pebrero na susog sa mga sadiring tawo kan magtugang na Maute na si Omar nagadan sa ralaban sa Butig kaiba an ngohod niyang si Matti.
Kan Hunyo 10, 2017, durante kan krisis sa Marawi na nagpoon kan Mayo 23 kan an mga Mauteng terorista nagsakyada igdi, sabi kan Hokbong Armado kan Filipinas, nagtutubod sinda na an magtugang nagkagaradan sa laban na idto dawa totoo an report na ini dai pa kumpirmado. [3][4]
Mga panluwas na takod baguhon
- [5]www.theaustralian.com.au. Kinua 08-06-17.
