Oleg Gordievsky
Si Oleg Antonovich Gordievsky, CMG (Оле́г Анто́нович Гордие́вский; namundag 10 Oktobre 1938) sarong dating koronel sa KGB na nagin KGB designadong-residente (rezident) asin hepe nin buro sa London, asin siya sarong double agent, na nagwawaras impormasyon sa Briton na Secret Intelligence Service (MI6) poon 1974 sundo 1985.[2] Pakaapod saiya na bumalik sa Mosku ta pigdududahan na siya, siya ilinusot paluwas Unyon Sobyet kan Hulyo 1985 sa irarom nin planong may kodigong pangaran na Operasyon Pimlico. An Unyon Sobyet pakapangyaring ini, siya pigsentensyahan kagadanan in absentia.[3]
| Oleg Gordievsky CMG | |||
|---|---|---|---|
 Gordievsky kan 2007 | |||
| Kamundagan | Oleg Antonovich Gordievsky 10 Oktobre 1938 Moscow, Russian SFSR, Unyon Sobyet | ||
| Nasyunalidad |
| ||
| Trabaho | Spy (retired) | ||
| Mga gawad | CMG Honorary Degree of Doctor of Letters | ||
| Spying career | |||
| Katapatan-loob | Soviet Union  (British secret agent since 1974) United Kingdom .svg){kind=small} | ||
| Serbisyo | KGB SIS/MI6 | ||
| Ranggo | Koronel sa KGB | ||
| (Mga) Kodigo-nin-ngaran | SUNBEAM | ||
| PIMLICO | |||
| NOCTON | |||
| OVATION | |||
| TICKLE | |||
Kaamayi nin buhay/edukasyon
baguhonAki nin sarong opisyal sa NKVD (ini an Sobyet na secret police na sinundan kan KGB), si Gordievsky namundag taon 1938.[4] Siya sarong alistong estudyante sa eskwelahan, kun saen siya nakanood magtaram nin Aleman.[2]
Siya nag'adal sa prestihiyosong unibersidad sa Mosku – Moscow State Institute of International Relations – asin dangan kaidto nagtraining siya sa NKVD, kun saen dagdag pa sa mga kabatiran nin pag'eespiya pinaghustong mapararom adal niya sa pagtaram Aleman asin pagtaram pa sa lenggwaheng Danes, Sweko, asin Norwego.[2]
Karera
baguhonPakatapos niyang adal, si Gordievsky nagsali sa foreign service asin natokahan trabaho sa East Berlin kan Agosto 1961, bago lang mapatindog an Pader Berlin.[4] An pagtugdok kan Pader Berlin natikbahan siyang gayo asin nawa'ran siyang gana kan sistema Sobyet.[2] Sarong taon pakatapos kan toka niya sa Berlin, siya pinabalik na sa Mosku.[4]
Si Gordievsky nagbali sa KGB kan 1963, asin siya itinoka sa embahada Sobyet sa Copenhagen kan 1966. Siya naurag nanggad kan maringis na pagrunot kan Unyon Sobyet kan si hiron sa reporma (Prague Spring) sa Czechoslovakia kan Agosto 1968, asin nagpoon na siyang magtaong patagong senyal sa mga Danes asin Briton na mga ahente sa intelehensya na amenado siyang makipagkooperar sainda.[2] Kan 1974 nag'uyon siyang magpasa nin mga hilom na impormasyon sa MI6, lakdang na sa saiya sarong "pagparumpag sa sistema Sobyet".[5] An MI6 tina'wan siyang kodigong pangaran na SUNBEAM.[5] An ikaduwang posting niya sa Denmark nagtapos kan 1978, asin pinabalik siya sa Mosku, na ngonyan halawig siyang napirme sa Mosku ta saiyang pigdiborsyuhan agom niya asin saiyang inagom an babaeng nahulogan niyang boot, asin an KGB dai suno' an mga pagdidiborsyo asin mga pagkikipagrelasyonan ta paghiling kaini mga bagay na immoral.[2] Durante kan mga panahon na ini, peligrosong marhay na magpasa siyang impormasyon sa M16.[2]
Toltolan
baguhon- ↑ Heroes and Villains. MI6: A Century in the Shadows. 3 August 2009. Retrieved 2014-01-18.
- ↑ 2.0 2.1 2.2 2.3 2.4 2.5 2.6 Error sa pag-cite: Imbalidong
<ref>tatak; mayong teksto na ipinagtao para sa reperensiya na pinagngaranan naMacintyre - ↑ "The Spy and the Traitor review – a gripping tale of escape from the USSR". The Guardian. 7 October 2018. Retrieved 30 December 2020.
- ↑ 4.0 4.1 4.2 Carlisle, Rodney (26 March 2015). Encyclopedia of Intelligence and Counterintelligence. Routledge. pp. 273–274. ISBN 978-1-317-47177-6.
- ↑ 5.0 5.1 "In 'The Spy and the Traitor,' a tale of Cold War espionage that's both thrilling and true". The Washington Post. 17 September 2018. https://www.washingtonpost.com/entertainment/books/in-the-spy-and-the-traitor-a-tale-of-cold-war-espionage-thats-both-thrilling-and-true/2018/09/17/d5666f98-ba8a-11e8-a8aa-860695e7f3fc_story.html.
