Olaf Scholz

Si Olaf Scholz (German: [ˈoːlaf ˈʃɔlts] ( dangogon); namundag (1958-06-14)14 Hunyo 1958) sarong Aleman na politiko na nagserbing kansilyer niin Alemanya poon pa 8 Desyembre 2021. Myembro nin Social Democratic Party (SPD), siya dati nagserbi komo Bise Kansilyer kan Ikaapat na gabinete ni Merkel asin bilang Ministro pederal nin Pinansya poon 2018 abot 2021. Siya man Enot na alkalde nin Hamburg poon 2011 abot 2018 asin katuwang na lider kan SPD poon 2009 abot 2019.

Si Olaf Scholz

Si Scholz nagpoon kan saiyang karera bilang abogado na nagsentro sa labour asin employment law. Siya nagin myembro kan SPD kan mga 1970 asin myembro kan Bundestag poon 1998 abot 2011. Si Scholz nagserbi sa Gobyerno nin Hamburg ki Enot na alkalde Ortwin Runde kan 2001, bago kan saiyang pagkaelehir bilang Sekretaryo Heneral kan SPD kan 2002, kadungan ki lider nin SPD na si dati-Kansilyer Gerhard Schröder. Siya nagin mayor na Chief Whip kan SPD sa Bundestag, dangan naglaog sa Enot na gobyerno ni Merkel kan 2007 bilang Minister of Labour and Social Affairs. Kan an SPD nagbutas sa gobyerno pakatapos kan 2009 na eleksyon, si Scholz nagbalik asin pinangenotan an SPD sa Hamburg, asin naelehir na Katuwang na Lider kan SPD. Saiyang nabutong an saiyang partido sa kapangganahan sa 2011 eleksyon nin estado nin Hamburg, asin siya nagin Enot na Alkalde, kapot an katongdan sagkod taon 2018.

Pakalaog kan Social Democratic Party sa Ikaapat na gobyernong Merkel kan 2018, si Scholz na nanombrahan bilang Ministro nin Pinansya asin Bise-Kansilyer nin Alemanya. Kan 2020, siya nanominar bilang kandidato nin SPD bilang Kanselyir nin Alemanya sa 2021 eleksyon pederal. An partido nanggan nin pluraridad sa mga tukawan sa Bundestag asin nagporma kan inapod na "traffic light coalition" sa Alliance 90/The Greens, asin sa Free Democratic Party. Kan 8 Desyembre 2021, si Scholz naelehir asin pinasumpa bilang Kansilyer nin Bundestag.

Komo Kansilyer, si Scholz namahala kan pagsimbag nin Alemanya sa 2022 na Rusong Pagsakyada kan Ukranya. Maski ngani medyo pugol asin maingat na paghiro kaini kumpara sa ibang mga nasyon Sulnopan, si Scholz nagbugtak nin paglangkaw kan badyet nin Alemanya para sa depensa, pagpadara nin mga armas sa Ukranya asin pagpondo kan pagpabulos kan asayte sa Nord Stream 2 na tubo. Tolong aldaw pakalihis kan pagsakyada kan Rusya, si Scholz nagpahayag kan mga prinsipyo sa bagong palakaw kan Alemanyang depensa sa saiyang Zeitenwende'ng lektura.