Odisha

An Odisha (/əˈdɪsə/ (listen);[5] dati Orissa,[6][7] /ɒˈrɪsə, ɔː-, oʊ-/)[8] saro sa 29 estado kan Indya, namomogtak sa bandang subangan kan Indya. Napapalibotan ini kan West Bengal sa norte-subangan, Jharkhand sa amnayan, Chhattisgarh sa solnopan asin norte-solnopan, asin kan Andhra Pradesh sa habagatan. An Odisha igwang 485 kilometrong (301 mi) laba' nin kosa na naghahanggilid sa Sola' nin Bengal sa subangan kaini, poon Balasore sundo' Malkangiri. Ini an ika-9 na pinakadakula na estado sa kahiwasan kaini, asin ikakagsaro (11) na pinakadakula kun paguurulayan an populasyon. Sa mga nagbabanwang tribu, ini igwang ika-3ng pinakadakul nin siring. Odia (o Oriya) iyo an opisyal na tataramon asin pinaka-tinataram na lenggwahe igdi na may parataram na 33.2 milyon, susog sa senso kan 2001.

An mapa kan Indya kun saen pinapahiling an kinamomogtakan kan Odisha

Mapa ipinapahiling pagkabaranga-banga kan mga distrito sa Odisha

An antigong kahadean nin Kalinga haros nasubo sa presenteng pagdolonan kan modernong Odisha. An modernong estado nin Orissa natogdas kan 1 Abril 1936 bilang probinsya kan inapod na British India, asin binibilog kan predominanteng mga rona nin mga parataram nin Odia. An rona na ini inaapod pa man Utkala asin nasasambit sa kanta nasyonal kan Indya, an "Jana Gana Mana". Sa presente an kabesera kan Odisha iyo an Bhubaneswar.

An pinakadakulang piyesta sa Odisha iyo an inapod “Chariot Festival” o “Car Festival” o “Ratha Yatra”. Magagayon na dumanan kan mga turista iyo an Bhubaneswar, Puri, asin Konark.

Relihiyon

Mga 94% kan namamanwaan sa Odisha mga paratubod sa Hinduismo. An ibang mga relihiyon igdi na makukua iyo an Islam, Kristianismo, Jainismo.  

Kataytayan nin mga ladawan

• 
  Templo Lingaraj
• 
  Hathigumpha, tinogdok sa Bulod Udayagiri, mga 150 BCE
• 
  Salog Mahanadi sa Cuttack
• 
  Salog Mahanadi, sirip kan satelyete
• 
  Puting tigre sa Nandankanan Zoo
• 
  Lumód Irrawaddy-Orcaella brevirostris
• 
  Orkid na Vanda tessellata
• 
  Mga gamgam na black-tailed Goodwit sa Chilika
• 
  Edipisyo kan Odisha State Secretariat sa Bhubaneswar
• 
  Shanti Stupa sa Dhauli, tinogdok ni Ashoka
• 
  Pinakadakulang ladawan ni Durga, sarong diyosang Hindu, yaon sa Puri, Odisha