Nina Rasul

Santanina Tillah Rasul (namundag bilang si Santanina Centi Tillah, kan Setyembre 14, 1930) sarong Filipinang politiko asin ang inot na babaeng Muslim na nagin miyembro kan Senado kan Pilipinas.

Ang Ginagalangan Santanina Tillah Rasul
Senado kan Pilipinas
Termino June 30, 1987 – June 30, 1995
Personal na mga detalye
Kamundagan	(1930-09-14) Septyembre 14, 1930 Siasi, Sulu, Philippine Islands
Partido politikal	Lakas-CMD (orihinal)
Agom	Ambassador Abraham A. Rasul (1953 – 2002, his death)
Mga aki	Six
Dinakulaan	Metro Manila asin Jolo
Alma mater	Universidad kan Pilipinas, Diliman, National Defense College of the Philippines
Kasibotan	Paratukdo asin Politiko
Pagtubod	Islam

Pag-adal

Kan 1952, si Rasul nakakua nin BA in Political Science, cum laude sa Unibersidad kan Pilipinas, Diliman, Syudad nin Quezon. Siya nakakua man nin Master's Degree in National Security Administration sa National Defense College kan Pilipinas. Kan 1978, si Rasul nakatapos kan saiyang doktoral sa publikong administrasyon sa Kolehiyo kan Publikong Administrasyon sa Unibersidad kan Pilipinas.

Bilang sarong politiko

Si Rasul, kaiba si Senadora Leticia Ramos-Shahani, an mga inot na babaeng senador sa kongreso na naitindog kan Panlimang Republiko kan Pilipinas. An saiyang inot na eksperiyensiya sa gobyerno asin serbisyo publiko iyo an pagiging sarong paratukdo sa sarong pampublikong eskwelahan sa Siasi asin Jolo puon 1952 hanggang 1957. Kan 1963 hanggang 1964, siya naging teknikal assistant kan Opisina kan Presidente kan Pilipnas. Siya sarong tagapagtulod kan adult literacy asin pagmantinir kan katuninongan sa laog kan halawig na taon kan siya kasali sa iba-ibang mga non-government na organisasyon.

An politikal na karera ni Rasul nagpuon kan siya nagin Konsehal de Barrio kan Moore Avenue sa Jolo, sa laog kan duwang magkasunod na termino; puon 1960 hanggan 1961, asin puon 1962 hanggan 1963. Kan 1971 hanggan 1976, siya miyembro kan probinsiyal na board kan Provincial Board kan Sulu. Nagserbisyo man siya bilang Komisyoner kan Muslim asin ibang etnikong minoridad puon 1978 hanggan 1987 habang siya yaun sa Ministro kan Edukasyon, Kultura asin Pagkawat (na pinangaran man na Departamento kan Edukasyon, Kultura asin Pagkawat sa laog kan administrasyon ni Presidente Corazon Aquino) bilang miyembro kan board kaini.

Pagtrabaho sa senado

Si Rasul na-elehir sa senado asin nagserbisyo sa laog kan duwang termino; puon kan 1987 hanggan 1992 asin puon 1992 hanggan 1995. Bilang sarong senador sa laog kan walong taon, si Rasul naging tagasurat, panduwang tagasurat asin sponsor kan mga importanteng lehislasyon manungod sa karapatan kan mga babae, mga gibo kan Muslim, pamilya asin pagkakapantay-pantay kan sekswalidad.

An importanteng lehislasyon na naisurat niya kaiba si Senador Raul Roco iyo an Republic Act No. 7192 o ang inaapod na Women in Development and Nation Building Act of 1995. Ang batas para sa mga pang-aapi sa kababayihan, iyo man ang batas na nagbukas sa Philippine Military Academy para sa mga babayi, asin nagmandato na ang parte kan ibang pondo kan gobyerno sa iba-ibang lebel dapat na gamiton sa mga programa na makakatabang asin mapapamaray sa mga kakayahan kan kababayihan. Inisponsoran niya man an Republic Act No. 6949, an batas na nagdeklara kan petsang Marso 8 kan kada taon bilang National sWomen's Day sa Pilipinas. Si Rasul saro man na chairperon kan mga importanteng komitiba sa senado arog kan Serbisyo Sibil asin Pagbistong Panggobyerno, asin pampamilyang relasyon asin patungkol sa kababayihan (Civil Service and Government Recognition, and Women and Family Relations).

Si Rasul binisto man kan Senado asin kan Women and Gender Institute kan Miriam College para sa saiyang dedikasyon sa saiyang mga trabahong lehislatibo asin daing tapos na pagpadagos na paglaban kan pagkakapantay-pantay kan sekswalidad, pagpamarhay kan sosyudad sa Pilipinas asin pagpauswag asin pagmantinir kan demokrasya. Siya man nagin Honorary Ambassador kan UNESCO kan International Literacy Year kan 1990.

Personal na buhay

Siya naikasal ki dating Ambasador kan Pilipinas sa Saudi Arabia na si Abraham A. Rasul (1922-2002), asin sinda nagkaigwang anum(6) na aki.

Panluwas na takod

• Santanina Rasul's page on Senate's website