Nikolay Bogdanov-Belsky

Si Nikolay Petrovich Bogdanov-Belsky (Russian: Никола́й Петро́вич Богда́нов-Бе́льский; 1868–1945) sarong Rusong pintor.

Nikolay Bogdanov-Belsky
Nikolay Bogdanov-Belsky, sadiring retrato, 1915
Kamundagan	Nikolay Petrovich Bogdanov-Belsky 6 Desyembre 1868 Shitiki, Smolensk Governorate
Kagadanan	19 Pebrero 1945(1945-02-19) (edad 76) Berlin
Nasyunalidad	Ruso
Edukasyon	Member Academy of Arts (1903) Full Member Academy of Arts (1914)
Alma mater	Higher Art School (1899)
Midbid bilang	Pagpinta
Paghiro	Peredvizhniki

Buhay

Si Bogdanov-Belsky namundag sa baryo nin Shitiki sa Smolensk Governorate kan 1868. Nag'adal siya nin arte sa Semyon Rachinsky fine art school, asin icon-painting sa Troitse-Sergiyeva Lavra kan 1883, modernong pagpinta sa Moscow School of Painting, Sculpture and Architecture kan 1884 sundo 1889, asin man sa Imperial Academy of Arts sa St. Petersburg poon 1894 abot 1895. Siya nagtrabaho asin nag'adal sa iba pa man na mga pribadong studio sa Paris kan mga 1890.

Si Bogdanov-Belsky aktibo sa St. Petersburg. Makalihis an 1921, siya nagtrabaho na sana sa Riga, Latvia. Siya nagin myembro kan magkapirang mga prominenteng kasararoan arog kan Peredvizhniki poon 1895, asin sa Arkhip Kuindzhi Society poon 1909 (kun saen siya kagtugdas na myembro asin pamayo poon 1913 abot 1918).

Si Bogdanov-Belsky nagpipinta kadaklan mga inaapod na genre paintings, orog na kan mga aki nin mga pobre, mga portrait, asin mga impresyonistikong mga ta'nawon. Siya nagin akademiko kan 1903. Aktibo siyang myembro kan Academy of Arts kan 1914. Sinasabing Realist art daa dai pig'uuyonan kan Unyon Sobyet kaya siya naghubo' sa Riga kan 1921. Resulta kan Pagsasakop kan mga Estadong Baltik kan Sobyet, si Bogdanov-Belsky nagbalyo sa Berlin. Siya nabawian-buhay kan Pebrero 19, 1945 huli kan mga pagbobomba kan Pwersa Alyado. Siya ilinubong sa Berlin-Tegel Russian Orthodox Cemetery.

Siya kaapil man sa Rusong Fraternitas Arctica sa Riga.

Mga piling pinta

• 
  Nikolay Felixovich Yusupov, 1911
• 
  Nagbabasang surat, 1892
• 
  Mental Aritmetik, sa Rachinsky School, 1895
• 
  Pagbasa sa Domingo sa sarong eskwelahan sa baryo, 1895
• 
  Sa tangkaan nin eskwelahan, 1897

Hilnga man

• Lista kan mga Rusong artista

Mga panluwas na takod

• ArtFira