Nicolaus Copernicus
Si Nicolaus Copernicus (Pebrero 19, 1473 – Mayo 24, 1543) sarong astronomo asin matematiko na nagmukna nin bagong modelo kan uniberso na kun saen ikinaag niya an Saldang, imbes an Kinaban, na iyo an sentro kan uniberso. An publikasyon kan modelong ini sa libro niyang De revolutionibus orbium coelestium (An Pag'itok kan mga Esperikong Selestyal) bago siya nagadan kan taon 1543 nagtanyog na gayo sa mundo nin Syensia asin dakula nanggad na ambag sa Rebolusyon kan Siyensya. An bagong kaisipan na ini tolos ipinagbawal kan Simbahan Romano Katoliko na ipawarak ta sarong paglanghad daa sa diosnon na pagkasabot kan uniberso. Sa panahon na idto kawasa, bagong paghira nanggad sa pagkasabot kan sistemang solar ta huna an Kinaban iyo an iniitokan kan gabos na bagay sa kalangitan.[1][2]
Si Copernicus namundag asin nagadan sa Prussia Real, sarong rona' na parte kan Kahadean nin Polako poon pa kan 1466. Siya polyglot (dakulon na lenggwahe tinataram) mala ta tataong magtaram asin magsurat sa Latin, Aleman, Griyego, Italyano asin Polako, asin siya saro man na polymath (sarong madunong hararom an kabatiran sa magkapirang disiplina). Siya man may doktorado sa Canon Law, asin doktor, iskolar, tagapalis nin mga tataramon, gobernador, diplomatiko, ekonomista asin sarong padi na Dominikano.
Mga panluwas na takod
baguhon- [1] Pabisto ki Copernicus. Kinua 06-3-16
