An neon (Spanish: neon, Ingles: neon) iyo sarong klase nin gas. Saro ining elementong kimikal na may simbolong Ne asin atomikong bilang na 10. Igwa man ining atomikong timbang na 20.183, punto nin pagkatunaw (MP o melting point) na 248.67 °C, punto nin pagkalakaga (BP o boiling point) na 245.95 °C, asin balensya na 0.[1]

Sarong gas discharge tube na may laog na neon (Ne)

Maski ngani sarong abundanteng elemento sa uniberso, bihira ini sa kinaban. Saro ining dae mahiro, mayong-kulay, asin dae nahihiling na gas sa istandard na mga kundisyon. Nagtatao an neon nin kakaiba sagkod mamula-mula o naranghang katingkadan kapag pig-agihan nin kuryente[1] asin kapag ginamit sa tubong Geissler o tubong pangdiskarga sagkod mga lamparang neon (ilawang neon).[2][3] Sa komersyo, nakukua ini hale sa duros, kun saen nahihiling ini sa saradit o bakas na mga bilang. Ginagamit ini para sa mga ilaw nin neon sa mga syudad.[1] An taramong neon iyo gikan sa lenggwaheng Griyego na may boot-sabihon na "bago". Nadiskobre ini ninda William Ramsay (pigbabaybay mang William Ramsey[1]) asin Morris W. Travers kaidtong 1898.[1]

Dae ini nagkakaigwa nin reaksiyon asin dae nakikisalak sa iba pang mga elemento,[1] kaya mahihiling ini na nagsasadiri sana. Maski ngani may karakter na magin mapula o narangha kapag pig-agihan nin kuryente, nagiilaw o nagliliwanag man ini sa manlainlain na mga kulay. Uli sa kalidad o karakter na ini kan neon, ginagamit man ini sa mga karatula.

Hilingon manLiwaton

ToltolanLiwaton

  1. 1.0 1.1 1.2 1.3 1.4 1.5 Gaboy, Luciano L. "Neon". Gabby's Dictionary, Praktikal na Talahuluganang Ingles-Filipino ni Gabby/Gabby's Practical English-Filipino Dictionary, GabbyDictionary.com.  External link in |title= (help)
  2. Harold P Coyle (2001). Project STAR: The Universe in Your Hands. Kendall Hunt. ISBN 9780787267636. 
  3. Kohtaro Kohmoto (1999). "Phosphors for lamps". In Shigeo Shionoya and William M. Yen. Phosphor Handbook. CRC Press. ISBN 9780849375606.