Natong (pagkakan)

An gulay na natong, sarong lutong Bikolnon. Ini simpleng lutò kan dahon nin natong sa gutâ na may sili asin karne o sirang asgad.

Gulay na natong

An dahon kan tinamon na Colocasia esculenta iyo an mayor na sangkap kaini. Ginugutaan ini na puwedeng làbas pa asin dai pinaalang o idtong binalad sa saldang. Arin man digdi sa duwa, pareho ini kinikirinit asin pinipili idtong bakong magatol asin bakong makuràsil o makunot. An natong ibang tinanom sa linsa ta an huri may natubong dakulang laman o unod alagad an dahon-linsa (na mas nadarakul kisa sa dahon natong) pwede man gutaan pero bakong arog kalomhok sa dahon natong asin ta mediyo matagas an mga gusok kan dahon, ini hinihimoro asin dai ibinabali sa pagluto.

Tinanom na natong

An laman kan tinanom na natong saradit asin haros matilaba sana. Bakong arog kan laman kan linsa, an laman kan natong matari (bakong masapog), makubol (bakong malumhok sa kagat) asin bakong mapulot. Ini mas bagay sanang pansalak sa ibang lutuon arog kan kalabasa.

Alagad, may sarong klaseng natong, inaapod na tinsol na angay sana man na palalamanon. Dai bagay an mga dahon kaini na gulayon.

Kataytayan nin mga ladawan

• 
  Mga tinanom na natong
• 
  Alang na natong na pinatos sa plastik
• 
  Ginutaang natong
• 
  Binabalad na natong
• 
  Binabalad na gurunit-gunit na natong
• 
  Lutong gulay na natong
• 
  Sarong tanom na natong