An Naga Central School I
Entrance of Naga Central School 1, Naga City
Estatwa ni Jose Ma. Panganiban sa Naga Central I

An Naga Central School (hinayokong, NCS) sarong pampublikong eskwelahan sa elementarya sa Siyudad nin Naga. Ini an pinakaenot na elmentarya sa Naga asin sa ngonyan ini an pinakadakula. Sa presente ini igwang populasyon sobra sa tolong ribong estudyante. Namukna ini kan Agosto 1911 sa paghihingoa kan sarong Tomasito na si Thomas L. Crone asin bunga kan napasar sa Enot na Asamblea nin Filipinas kan 1901 an sarong bill na pig'amaan ni Representante Isauro Gabaldon nagmamando an pagtogdas nin mahiwas na sistemang pang'edukasyon sa kolonya.[1] An eskwelahan nalaklak sa 2,015 metro kwadradong hiwas asin naghahangilid sa Kalye Jacob pero nagbaktas sa pag'ultan kani an Kalye Ocampo.

Kan enot, ini bantog sa apod na "escuela comun" dangan nag'agi sa pirang pangaran- Naga Grammar School, Naga Elementary School, Naga Community School, dangan, Naga Central School I asin Naga Central School II. Yaon sa teritoryo kan Barangay Penafrancia, ini binabaktas sa tahaw kan Kalye Ocampo na nasanga sa Kalye Bagumbayan asin nakonekta na sa Kalye Peñafrancia asin igdi sa Kalye Ocampo naghahampangan an NCS I asin NCS II.

Ngunyan 107taon na ang eskwelahan na may temang "Going Stronger Beyond Achieving."


Mga panluwas na takodLiwaton

!. Opisyal na websayt kan NCS Kinua 24-08-13


ToltolanLiwaton