Museo nin Our Lady of Peñafrancia
An Museo nin Our Lady of Peñafrancia sarong museo sa Syudad nin Naga.
An museo naglalaman kan mga memorabilia dapit sa agi-agi kan taontaon na selebrasyon kan debosyon ki Inang Peñafrancia (Nuestra Señora de Peñafrancia). An presentasyon yaon sa mga retrato konektado sa mga aktibidad relihiyoso asin sa mga relikya na nagamit kan mga nakaaging selebrasyon.
Sarong malodok na presentasyon igdi iyo an pagsusog kan ginikanan kan debosyon hale sa San Martin del Castañar, Salamanca, Espanya. Sa paagi nin Diorama, pinadadalan an agi-agi kan pagpoon kan debosyon asin kun paano nadukayan ni Simon Vela an imahen na iyo an orihinal na rebulto ni Nuestra Señora de Peñafrancia asta an debosyon ki Ina duminakula sa lugar na idto sa Espanya asin kun pa'no nakadakit sa Filipinas.
An presenteng curator kaini iyo si Salvacion Ramos. An museo mismo tinogdok sa pampang kan salog Naga sa gilid na gayo kan Tulay Magsaysay asin sa toong parte kan museo iyo an lugar kan dating sangkayan kan imahen ni Ina sa Sakay na paule sa luma niyang santuario. Sa sirong sa toong parte kan edipisyo kan museo yaon namomogtak an sarayan/doongan (Dry Dock) kan pagodang gamit sa selebrasyon.
May bagong minumuknang museo para ki Inang Penafrancia alagad ini itotogdok na sa laog mismo kan compound kan Basilica Minore de Nuestra Señora de Peñafrancia.
Kataytayan nin mga ladawan
baguhon-
Tata kan museo -
Laog kan museo -
Laog kan museo -
Laog kan museo -
An minumuknang bagong museo para ki Inang Penfrancia
Mga panluwas na takod
baguhon- Museo ni Inang Peñafrancia[permanent dead link]
- Naga.gov.ph Archived 2009-06-14 at the Wayback Machine.
