Morotai

An Isla Morotai (Indonesian: Pulau Morotai) sarong puro' kabali sa mga isla na inapod na Halmahera sakop kan Molucass, namumugtak sa bandang subangan nin Indonesya na mas nalulugar sa amnayan kaini..

Morotai

Heograpiya
Kinamumugtakan	Sur-subangang Asya
Tagboan	2°19′N 128°28′E
Arkipelago/Kaiislahan	Mga Isla Maluku
Hiwas	2,337.15 km2 (902.38 sq mi)
Laba	80 km (50 mi)
Lakbang	42 km (26.1 mi)
Administrasyon
Indonesia
Probinsya	Norteng Maluku
Pinakadakulang settlement	Daruba
Demograpiko
Populasyon	74,436 (2020 na Senso)
Densidad nin pop.	31.85/km2 (82.49/sq mi)
Kadagdagan na impormasyon
Sona nin oras	EIT (UTC+09:00)

An Morotai bukid-bukidon asin kadlaganon na isla yaon sa bandang norte kan Halmahera. Ini igwang kahiwasan na 2,337.15 square kilometres (902.38 sq mi), kabali na igdi an Isla Rao na yaon sa bandang sulnopan kan Morotai. Nahuhunat ining 80 kilometres (50 mi) amnayan pasiring habagatan na may kalakbangan na dai masobrang 42 kilometres (26 mi). An pinakadakulang banwaan igdi iyo an Daruba, namumugtak man sa bandang habagatan na kosa. An Leo Wattimena Airport yaon sa islang ini. Haros kadaklan kan mga baryo kan Morotai nalulugar sa mga baybayon kan dagat; sarong tinampong sementado na nagtatakod kan yaon sa kosang habagatan nahahaman na asin ini haleng Daruba pasiring sa Berebere, an prinsipal na banwaan sa kosang habagatan 68 kilometres (42 mi) an rayo. Sa pag'ultan kan Halmahera asin mga uru-isla asin mga reef kan kosang sulnopan nin Morotai iyo an Itiot nin Morotai, na may lakbang na 10 kilometres (6.2 mi).

Uusipon

An Morotai dati kabtang kan Sultanato Ternate, na nasakop kan Dutch East India Company kan naghihinapos an ika-17ng siglo.