Mongol

An mga Mongol (Mongolian: Монголчууд, Mongolchuud) tribung etniko nag'eerok sa Solnopan-Sentral kan Asya asin idtong mga presenteng yaon sa Rona kan Autonomong Mongolia nin Tsina. An iba sainda mga banwang minoriya nag'eestar sa ibang rona kan Tsina arog kan yaon sa Xinjiang asin yaon sa Rusya. An iba pa man na masabing banwang Mongol na napipisan sa sub-grupo nin Buryat asin Kalmyk yaon nag'eerok sa lugar nin Buryatia asin Kalmykia, mga lugar sakop sa federal na kontrol kan Rusya.^[1]

Sarong kawad na Mongol nagbatikal bombang pana kan magsakyada sinda sa Hapon, 1281

An modernong etnikong grupo nin mga Mongol nagbibilang na sana nin mga 10 milyon sa kabiyoan asin sinda warak nanggad sa mga manlaen-laen na nasyon. Binubugkos sinda bilang mga Mongol huli sa komun na ginikanan, agi-agi asin etnikong identidad. An mga apoon kan mga Mongol ngonyan inaapod sa rekord nin historya bilang mga Proto-Mongol.

Sa saindang lahi, naggikan an mga bantogan na mga khan (emperador) arog ni Genghis Khan asin ni Kublai Khan na nagtogdas kan Imperyong Mongol na nasakop an kahiwasan kan Tsina, Tangang Subangan, ibang parte kan Europa, asin nakaabot pa sa isla nin Hapon.^[2]

Toltolan

↑ https://www.cia.gov/library/publications/the-world-factbook/geos/mg.html Archived 2010-12-29 at the Wayback Machine. kinua 07-3-16
↑ http://www.history.com/topics/genghis-khan kinua 07-3-16

Sarong tamboan an artikulong ini. Makakatabang ka sa Wikipedia sa pagpoon kaining pahina.

[1] ttps://www.cia.gov/library/publications/the-world-factbook/geos/mg.html Archived 2010-12-29 at the Wayback Machine. kinua 07-3-16

[2] ttp://www.history.com/topics/genghis-khan kinua 07-3-16

[1]

[2]