Misyonerong posisyon
An misyonerong posisyon o lalaki-sa-ibabaw na posisyon iyo an pagdudurog na diyan, sa pankagabsan, an sarong babae nakahigda sa likod niya asin an sarong lalaki nasa ibabaw niya mantang sinda napapaatubang sa lambang saro asin naggigibo nin pagdurog na pamputay. An posisyon pwede man na gamiton para sa iba pang sekswal na aktibidad, arog baga nin pagdurog na panlubot.[3] Iyan parateng konektado sa heterosekswal na sekswal na aktibidad, alagad ginagamit man nin mag-agom na parareho an sekso.[3]
An misyonerong posisyon iyo an pinakakomun na posisyon sa pagdurog, alagad bakong unibersal na pinapaboran kan gabos. Posibleng imbwelto diyan an sekswal na pagpenetar o daing-penetar na pagdurog (halimbawa, pagdurog na pampaa), asin an penile-vaginal na aspekto kaiyan halimbawa nin ventro-vental (atubangan-sa-atubangan) na reproduktibong aktibidad.[4] An mga aktibidad sa posisyon minatogot sa manlaen-laen na grado nin istimulasyon sa itil, rarom nin pagkapenetar, pakikikabtang sa parte kan babae, asin an posibilidad asin rikas nin pag-orgasmo.
Sa parati, an misyonerong posisyon iyo an mas gusto kan mga mag - agom na naoogma sa romantikong aspekto nin kublit-sa-kublit na pagdukutan asin mga oportunidad na maghilingan sa mata kan kada saro asin maghadok saka hapruson an kada saro. An posisyon man tinutubod na maray na posisyon sa reproduksyon. Durante nin sekswal na aktibidad, an misyonerong posisyon nagtotogot sa lalaki na kontrolon an ritmo asin rarom nin pelvic thrust. Posible man na an babae mag-thrust sa saiya sa paagi kan pagtulod sa saiyang piad o pagtulod kan saiyang mga bitis tumang sa kama, o pagaon siya na mas maparani sa saiyang mga takyag o tabay. An posisyon bakong angay sa huring kabtang nin pagbados, o kun gusto na kan babae na magkaigwa nin orog na kontrol sa ritmo asin rarom nin pagpenetrasyon.
Toltolan baguhon
- ↑ Keath Roberts (2006). Sex. Lotus Press. p. 145. ISBN 8189093592. Archived from the original on March 10, 2021. Retrieved August 17, 2012. Unknown parameter
|url-status=ignored (help) - ↑ Wayne Weiten; Margaret A. Lloyd; Dana S. Dunn; Elizabeth Yost Hammer (2008). Psychology Applied to Modern Life: Adjustment in the 21st Century. Cengage Learning. p. 423. ISBN 978-0495553397. Archived from the original on July 12, 2021. Retrieved January 5, 2012. Unknown parameter
|url-status=ignored (help) - ↑ 3.0 3.1 Error sa pag-cite: Imbalidong
<ref>tatak; mayong teksto na ipinagtao para sa reperensiya na pinagngaranan naAlice - ↑ Dixson, Alan F. (1998). Primate Sexuality: Comparative Studies of the Prosimians, Monkeys, Apes, and Human Beings. Oxford, England: (Oxford University Press. p. 113. ISBN 978-0-19-850182-4.
