Miriam Stevenson
Si Miriam Jacqueline Stevenson (namundag kan Hulyo 4, 1933) sarong Amerikanang host sa telebisyon, aktres, asin dating modelo asin titulado nin pagarayonan na kinoronahan bilang Miss Universe 1954. Siya an pinakainot na Amerikana na nanaog kan titulo, asin inot na nanggana sa Miss USA 1954. Bago magin Miss USA, si Stevenson nagin munang Miss South Carolina USA 1954, dangan nangadin pinakainot na babai gikan sa South Carolina na nanggana bilang Miss USA.[2][3] Saiya man nainirepresentar an South Carolina sa Miss America 1954 matapos an Miss South Carolina 1953, kun sain siya nagtapos bilang saro sa top 10.
| Miriam Stevenson | |
|---|---|
| Kamundagan | Miriam Jacqueline Stevenson Hulyo 4, 1933 Winnsboro, South Carolina, U.S. |
| Edukasyon | Lander University |
| Langkaw | 5 ft 6 in (1.68 m)[1] |
| Titulo | Miss South Carolina 1953 Miss South Carolina USA 1954 Miss USA 1954 Miss Universe 1954 |
| Agom | Donald Upton |
| Mga aki | 2 |
| Beauty pageant titleholder | |
| Kolor kan buhok | Kayumanggi |
| Kolor kan mata | Bughaw |
| Mga darakulang kompetisyon | Miss America 1954 (Top 10) Miss USA 1954 (Nanaog) Miss Universe 1954 (Nanaog) |
Sa Miss Universe, si Stevenson nagtabla sa pinal kaining grado ki Martha Rocha kan Brasil. Tanganing mabanga an tabla, an babai na hinuhuna na igwa nin mas marhay na pisikal na kagayonan iyo na kinoronahan bilang ganador, ini huli ta an mayo na kagpadrino kan pagarayonan iyo an Catalina Swimwear. Siring kaini an pagkadeterminar huli ta si Stevenson igwa nin mas hirignit na tabay ikan ki Rocha. Siya kinoronahan bilang Miss Universe kan pataposon sa turnong si Christiane Martel kan Pransya.[4] Pakatapos kan siya kapangganahan, si Stevenson nagdesisyon na tawan parte kan saiyang premyo si Rocha, ini an bagong kotse na saiyang naresibe.[5] At the end of her reign, she crowned Hillevi Rombin of Sweden as Miss Universe 1955.
Matapos na mag-artista sa Universal Studios sa Hollywood nin sarong taon huli kan sarong kontrata bilang parte kan saiyang premyo sa Miss Universe, si Stevenson nagin laman kan mga babasahon siring sa Variety kan saiyang ipinahayag na siya mabalik sa saiyang banwaan sa South Carolina tanganing taposon an saiyang edukasyon sa Lander University imbes na ipadagos an saiyang trabaho sa Hollywood. Sa South Carolina, si Stevenson nakakua nin trabaho bilang host sa telebisyon para sa WIS, an lokan na apilyasyon kan NBC sa Columbia, South Carolina. Digdi niya nanumpongan an saiyang agom na si Donald Upton. Nagkaigwa sinda nin duwang aki, kun sain si Donald Jr. nangagin dating tagapadalagan nin telecom asin kagtugdas kan kompanyan nin global economic development asin public affairs na Fairfield Index, Inc. Sagkod kan mga-1970, si Stevenson nagin aktibo sa edya bilang sarong modelo, host sa telebisyon, asin aktres sa nasyonal na komersyo, asin nagpartisipar bilang huwessa nagkapirang kompetisyon kan Miss Universe.[nangangaipo nin toltolan]
Toltolan baguhon
- ↑ "South Carolina's Miriam Stevenson Wins "Miss Universe"; Miss Brazil Second". Spokane Daily Chronicle. 1954-07-24. https://news.google.com/newspapers?id=2M8bAAAAIBAJ&sjid=y1AEAAAAIBAJ&pg=5678,1215300&dq=miss-universe+miriam-stevenson&hl=en. Retrieved on 2019-04-19.
- ↑ "Miss South Carolina". Archived from the original on 2020-10-13. Retrieved 2020-03-28.
- ↑ "Miriam Setevenson (USA) 1954". globalbeauties.com. Archived from the original on 2017-03-30. Retrieved 2020-03-28.
- ↑ "Judges are hep to hips". The Miami News. Archived from the original on 2020-03-01. Retrieved 2011-08-01.
- ↑ "Miss Universe 1954 -Miriam Stevenson". globalbeauties.com. Archived from the original on 2017-03-30. Retrieved 2011-08-01.
