Mikhail Khodorkovsky

Si Mikhail Borisovich Khodorkovsky (Ruso: Михаи́л Бори́сович Ходорко́вский, IPA: [mʲɪxɐˈil xədɐˈrkofskʲɪj]; namundag 26 Hunyo 1963) sarong Rusong negosyante, oligarkiya, pilantropo, autor asin bantogan na personalidad sa Rusya. Siya napreso haros nin sampolong taon kan gobyerno nin Rusya sa kargong nagdaya sa pagbayad nin tamang buhis asin sa mga tikas na paagi nin pagnenegosyo pero ngane an dakul nagtutubod pig'ipit siya asin ipinakulong ni Vladimir Putin huli sa pulitika ta pig'andoyogan niya an mga partido pulitikal na oposisyon. Pinaluwas siya sa preso sa sarong indulto ni Putin apat na taon mas amay sa termino dapat na makalibre na siya sa kulongan. Siya pigtawan indulto kan Desyembre 20, 2013 alagad diretso siya pinasiring sa Alemanya asin dai tinugutan na mag'estar sa laog kan Rusya.

Mikhail Khodorkovsky
Khodorkovsky kan 2015
Kamundagan	(1963-06-26) 26 Hunyo 1963 Moscow, Russian SFSR, Soviet Union
Nasyunalidad	Ruso
Alma mater	Mendeleev Russian University of Chemistry and Technology
Trabaho	Head of Group Menatep (1990–2003) Deputy Minister of Energy (1993) Chairman & CEO of Yukos (1997–2004) The New Times Kolumnista (2011–2014) Kagtugdas kan Open Russia (2014–presente)
Agom	Yelena Dobrovolskaya (div.) Inna Khodorkovskaya
Mga aki	Pavel, Anastasia, Ilya, Gleb

Namundag sa Moscow, siya nagyaman na husto asin nagin bilyonaryo huli sa asayti asin ginamit niya an kumpanya niyang Yukos sa pagpalakop nin mga programa sa pagpa'orog kan demokrasya asin pagpapusog kan mga namamanwaan sa saindang pagpangataman kan saindang mga deritso sa tahaw nin diktaduryang paagi na palakaw kan gobyernong ruso. An saiyang mga hiro hiniling ni Putin na sarong taktika sa pagpalakbang niyang papel sa pulitika asin posibleng kaagaw niya sa poder ngapit.

Gallery

• 
  Si Mikhail Khodorkovsky (2013)
• 
  Mikhail Khodorkovsky sa Kyiv
• 
  Si Khodorkovsky kaulay an presidente nin Rusya, Vladimir Putin, kan 20 Desyembre 2002