Miguel Lukban
Si Miguel Lukban (Septyembre 29, 1880 - Oktubre 20, 1940[1]) iyo an pinaka-enot na gobernador kan Camarines Norte (1920) komo siya nanombrahan sa siring na katongdan kan an probinsyang ini pigsuhay na sa Camarines Sur (Marso 3, 1919). Alagad, kan taon 1925 nagtukaw siya sa parehong katongdan ta siya nanggana sa eleksyon. Kan taon 1931, siya napili bilang Representante na nagtukaw sa ika-9 na Lehislatura kan Filipinas. Kan taon 1934, siya naman naelihir komo gobernador kan probinsya.
An saiyang mga magurang iyo sinda Don Agustin Lukban asin an ikaduwang agom kaini na si Ruperta Agustin Martinez. May limang tugang-sa-ama siya: si Vicente, Justo, Cayetano, Rafaela asin Concepcion. [2] Naka pag agom siya ng sarong taga Vinzons, Camarines Norte - si Rosario Rayos Balce asin nag ka 11 na aki, sina Anita, Justo, Luz, Francisco, Miguel, Salvador, Antonio, Julian, Manuel, Domingo asin Rosario.
Namundag siya sa Daet, Camarines Norte. Nagkua siya nin edukasyon sa mga minasunod na eskwelahan: Manila College of Pharmacy, Unibersidad kan Filipinas, Kolehiyo nin Medisina, Unibersidad kan California, Kolehiyo nin Engineering. Nagin siyang residenteng doktor sa St. Paul's Hospital, nagpraktis pribado sa Tayabas, nagin doktor kan Manila Railroad Company, asin nagpraktis man pribado sa Camarines Norte. Pakatapos kaini, nagtapsok na siya sa pulitika.
Sinasabi na dakula an tabang na gayo niya sa saiyang tugang na si Hen. Vicente Lukban sa pagtipon nin mga armas asin tauhan sa nagdadangadang na rebolusyon sa ronang Bikol kan 1899. [3]
Panluwas na takod
baguhon- Hayokong na istorya kan Camarines Norte- [1] Archived 2009-02-20 at the Wayback Machine.
Hilingon man
baguhon
Ginunoan
baguhon- Retrato asin hayokong na istorya kan buhay, sinapi sa: The Bicol Region Directory. Commonwealth Press, Inc. Publ. Valentin de Niña Lazarte. 1936. p. 118.
