Mga tataramon na Bisakol

An Bisakol (pinagsugpon na tataramon na "Bikol" sagkod "Bisaya") apod sa sarong grupo nin mga tataramon sa habagatan nin Rehiyon Bikol na binibilog kan Masbatenyo, asin mga Tataramon na Sorsoganon: Norteng Sorsogoanon, asin Sur na Sorsoganon.

• Amihanan na Sorsoganon igwang ISO 639-3 [bks] - pigtataram sa syudad kan Sorsogon, mga banwaan nin Castilla, Casiguran asin Juban.

Bisakol
Masbate–Sorsogon
Heograpikong Distribusyon	Sorsogon asin Masbate
Pag-uuring panlinguwistiko	Austronesyo Malayo-Polinesyo Filipino Sentral Filipino Bisaya Sentral Bisaya Bisakol
Mga subdibisyon	Masbatenyo Southern Sorsogon Central Sorsogon
Glottolog	masb1239
An heograpikong dakol kan tataramon na Bisakol base sa mapa nin Ethnologue

• Habagatan na Sorsoganon igwang ISO 639-3 [srv] - pigtataram sa mga banwaan nin Barcelona, Bulan, Bulan, Irosin, Matnog asin Sta. Elena.

• Masbatenyo - pigtataram sa provincia nin Masbate. Nababanga ini sa duwang diyalekto: an Estandarteng Masbatenyo na lakop sa syudad nin Masbate, mga banwaan nin Aroroy, Baleno, Dimasalang, Milagros, Masbate, Mobo, Palanas asin Uson; sagkod Ticao Masbatenyo na pigtataram sa mga banwaan sa isla kan Ticao.

Alagad, susog sa pagpisan ni Wolfenden kan Masbatenyo, mismo ini nababanga sa tulong diyalekto na iyo an Masbatenyong Sulnopan, Masbatenyong Habagatan asin Masbatenyong Amihanan. Sabi ni Wolfenden, mga menor asin saradit na diyalektong Masbatenyo an yaon sa Islang Ticao.

An terminong Bisakol, lokal na termino na pinapanungdan an tataramon sa mga nasambit sa itaas, dai na-onabihan ni Wolfenden asin dai niya sinabi na an Masbatenyo sakop na diyalekto man sana kan Bisakol na iyo an pagtubod na Lobel asin Tria.

Asin ini pagkararamas, sabi ni Lobel & Tria, kan Bikol asin Bisaya na an kadaklan hali sana sa Waray asin Hiligaynon.

Basahon

• An Satuyang Tataramon (A Study of the Bikol Language) Jason William Lobel & Fr. Wilmer Joseph s. Tria, 2000.