Mga Astronautang Nakalakaw na sa Bulan

Sa gabos-gabos, dose (12) katawo na an mga nakatongtong asin nakalakaw na sa Bulan. Sinda anas mga Amerikano asin imbwelto sa programang pang-espasyo kan NASA asin nakapasiring sa bulan paagi kan programang Apollo. Sinda an mga minasunod :

• Neil Armstrong (1930-2012)–Apollo 11
• Edwin "Buzz" Aldrin (1930-)–Apollo 11
• Charles "Pete" Conrad (1930-1999)–Apollo 12
• Alan Bean (1932-2018)–Apollo 12
• Alan B. Shepard Jr. (1923-1998)–Apollo 14
• Edgar D. Mitchell (1930-2016)–Apollo 14
• David R. Scott (1932-)–Apollo 15
• James B. Irwin (1930-1991)–Apollo 15
• John W. Young (1930-2018)–Apollo 10 (orbital), Apollo 16 (landing)
• Charles M. Duke (1935-)–Apollo 16
• Eugene Cernan (1934-2017)–Apollo 10 (orbital), Apollo 17 (landing)
• Harrison H. Schmitt (1935-)–Apollo 17

Si Edwin Aldrin pigretrato ni Neil Amstrong kan siya naglalakaw sa Bulan

Si Neil Amstrrong

Neil Armstrong asin si Buzz Aldrin napahugpa pinakaenot na Apollo Lunar Module sa Bulan, kan 20 Hulyo 1969, na namukna an inapod na Tranquility Base. An Apollo 11 iyo an enot sa anom na Apollo program na pahugpa sa Bulan.

Sa dose, sinda Neil Armstrong asin Edwin "Buzz" Aldrin an pinakaenot na tawo nakatongtong asin nakalakaw sa Bulan. Apat sa mga naglakaw-sa-bulan an buruhay pa: Aldrin (Apollo 11), David Scott (Apollo 15), Charles Duke (Apollo 16), asin Harrison Schmitt (Apollo 17).

Sa gabos, 24 mga Amerikanong astronauta an nagbyahe haleng Kinaban pasiring sa Bulan sa pag'ultan nin taon 1968 asin 1972. Tolong astronauta an nakabyahe nin duwang beses haleng Kinaban pasiring Bulan, iyo sinda: James Lovell (Apollo 8 asin Apollo 13), John Young (Apollo 10 asin Apollo 16), dangan si Gene Cernan (Apollo 10 asin Apollo 17).