Mey Son Sotheary
Si Mey Son Sotherary, namundag kan 1977, sarong taga-Kambodya na parasurat nin fiction asin nonfiction. Bistado siya sa mga halipot na osipon na pinapahiling an epekto kan ekonomiko asin sosyal na pagbabago, partikular na sa kababaihan, hobenes, asin mga migranteng trabahador.
Mga Ginibo
baguhonAn saiyang osipon nakasentro sa sosyal na mga epekto nin marikas na politikal asin ekonomikong pagbabago, partikularmente mantang sinda nakakaapektar sa mga babae asin hobenes. [1]
An saiyang halipot na istoryang "An Sakuyang Tugang na Babayi" (inot na ipinublikar sa Khmer kan 1995, asin sa pagsasalin nin Ingles kadtong 2002), ilinaladawan an sarong hoben na babayi na nagbalyo hali sa baryo sa siyudad dangan nakakua siya nin trabaho bilang sarong "babayi nin bar", pinapadara niya an saiyang kita sa sainda para suportaran an edukasyon kan mga mas hoben niyang tugang. [2]An taga-saysay kan istorya, an mas hoben na tugang niyang lalake, pinaglalastaran siya para sa malaswang trabaho niya sa bar, alagad inaangotan an lalake kan saiyang tita ta mayo siyang utang na boot. An istorya patungkol sa agi-agi kan mga migranteng trabahador asin an gawi-gawi na pagremiter, na kun sain nagpapadara an mga rural na migranteng trabahador kan saindang mga sweldo sa saindang baryo, para maayos an buhay kan saindang pamilya alagad nagkakaugwa nin tensyon o kaya hinanakit. [3] An istorya niyang "Taano?" nilaladawan an desisyon nin sarong lalake na maging magnanakaw para masustentuhan an saiyang pamilya niya asin an mga resulta kaini. [1]
Sa pagsasalin, an saiyang mga halipot na istorya nagluwas sa mga antolohiya nin mga saysay manungod sa Timog-subangan nin Asya asin Kambodya. asin nakabugtak siyang bilang mga teksto sa unibersidad. [4]
An saiyang nonfiction kaiba an librong Tumroam Klay Chea Neak Nipunth ("Bago naging Parasurat"), sarong giya para sa mga Khmer na naglalaom na maging parasurat. [5]
Karera
baguhonNagpuon si Mey na magpublikar kan taon 1993 kan siya hoben pa, [2] kan magluwas an halipot niyang fiction sa Rasmei Kampuchia Daily, an diyaryong may pinakamahiwas na sirkulasyon sa Kambodya, asin sa bistadong magasin na Procheaprai. [1]
Siya saro sa mga inot na Khmer na parasurat na nagpublikar na hali sa "bagong henerasyon", idtong dai man personal na nakakagirumdom sa rehimen ni Pol Pot. [1]
Siya man nagtrabaho sa brodkasting sa telebisyon [2] asin para sana Sentro nin Medya para sa mga Kababayihan kan Kambodya, sarong NGO na nagtratrabaho para sa partisipasyon asin representasyon kan mga babayi sa medya kan Khmer.
Mga Toltolan
baguhon- ↑ 1.0 1.1 1.2 1.3 Okada, Tomoko (2002). "Modern short stories: people’s experiences and memories recorded by novelists". Siksacakr: The Journal of Cambodian Research 3. Archived from the original on 2019-11-28. https://web.archive.org/web/20191128130249/https://files.khmerstudies.org/download-files/publications/siksacakr/no3/modern-short-story.pdf. Retrieved on 2023-11-10.
- ↑ 2.0 2.1 2.2 Yamada, Teri Shafer (2002). "My Sister, by Mey Son Sothea". Virtual Lotus: Modern Fiction of Southeast Asia. Translated by Okada, Tomoko. University of Michigan Press.
- ↑ Rappa, Antonio L. (2016). The village and its discontents : meaning and criticism in late modernity. New Jersey: World Scientific. p. 76. ISBN 978-981-314-007-3. OCLC 946032476.
- ↑ ""Peoples and cultures of southeast Asia", University of Tennessee" (PDF).
- ↑ "How can writers attract readers?". Khmer Times (in English). 2019-05-02. Retrieved 2019-11-28.