Mel Hurtig
Si Mel Hurtig, OC (24 Huny 1932 – 3 Agosto 2016) sarong taga-Kanadang taga-publikar, awtor, aktibista sa pulitika, asin pulitiko. Sya nagin presidente kan Edmonton Art Gallery. Bilang aktibista sa pulitika, siya nagsurat magkapirang libro na kritikal sa gobyerno kan Kanada asin kan mga polisya kaini. Sya an kagpublikar kan The Canadian Encyclopedia, bagay na sinabi kan sarong kolumnistang si Dan Braid na iyo na daa ini an pinadakulang kaginibohan sa historya nin publikasyon sa Kanada na sagkod ngonyan mayo pang nakakaarog.[1]
| Mel Hurtig | |
|---|---|
| Kamundagan | 24 Hunyo 1932 Edmonton, Alberta |
| Kagadanan | 3 Agosto 2016 (edad 84) Vancouver, British Columbia |
| Trabaho | Taga-publikar, autor, aktibista sa pulitika, pulitiko |
| Mga gawad | Order of Canada |
Namundag sa Edmonton, Alberta kan 1932, si Hurtig nagbukas nin sarong tindahan-libro sa puhunan sanang $500 kan 1956. Paglaog taon 1972, igwa na siyang tolong darakulaon na tindahan sa siyudad na dinadayong gayo kan mga suki niya ta kun saen igdi pwedeng magkape-kape, magkawat chess asin ta siya may mga pagbasa pa sa atubangan kan mga suki niya asin mga pasale pangteatro.
Ensiklopedya baguhon
Si Hurtig pambihirang pinaghingowa maski ngani hinuhuna kan iba na garo dai magigibo an pagbilog kan The Canadian Encyclopedia (1985 asin 1988) asin kan Junior Encyclopedia of Canada (1990). Pero an saiyang kompanya, an Hurtig Publishers pinabakal niya sa McClelland & Stewart kan 1991, kompanyang nakabase sa Toronto.[2]
Pulitika baguhon
Siya dakulang kritiko kan pagtugot nin maluwag sa mga dayuhan na magrogaring asin magkontrol kan mga negosyo sa Kanada. Huli kain siya nagkampanya nin makuri na dai maaprobaran an Free Trade Agreement kan Kanada sa Estados Unidos (NAFTA). Siya nagdalagan bilang kandidato kan Partido Liberal sa federal na eleksyon kan 1972. Dangan nagin siyang kagmuknang myembro kan Committee for an Independent Canada. Siya an kalag asin maigot na tagatolod kan bagong partido, an Partido Nasyonal, sarong partido na masibot nanggad na pigpapaorog an sarong nasyonalista asin popular na mga katuyohan. Siya pa ngani an nagbilog kan pahayag na polisya kaini, tituladong A New and Better Canda. Alagad, sa kampanya para sa eleksyon federal, siya dai nakaayon sa mga debate kan mga lideres kan partido kan 1993 kaya siya nagdemitir kan sunod na taon 1994, na iyo na an ikinasolnop kan nasabing partido.[3]
Mga librong sinurat baguhon
- Betrayal of Canada (1991)
- At Twilight in the Country:Memoirs of a Canadian Nationalist (1996)
- Pay the Rent or Feed the Kids (2000)
- The Vanishing Country (2002)
- A New and Better Canada: Principles and Policies of a New Canadian Political Party (1993)[4]
- Rushing to Armageddon (2004)
- The Truth about Canada (2008)
- The Arrogant Autocrat: Stephen Harper's Takeover of Canada (2015)
An ultimong libro niyang ini na nagluwas kan 2015, nagbentang 25,00 na kopya sa enot na duwang bulan sanang pagpabakal.
Mga onra asin pagmidbid baguhon
- Canadian Book Publisher of the Year, 1974 asin 1981
- Made an Officer of the Order of Canada, (1980)[5]
- Mga Honorary LL.D. degree iginawad kan York University (1980), Wilfrid Laurier University (1985), University of Lethbridge (1986), University of Alberta (1986), Concordia University (1990), University of British Columbia (1992)
- Eve Orpen Award for Publishing and Literary Excellence, 1985[6]
- Silver Ribbon Award, Siyudad nin Edmonton, 1985
- Centenary Medal, Royal Society of Canada, 1986
- Alberta Achievement Award, 1986
- Toastmasters International Communications and Leadership Award, 1986
- President's Award, Canadian Booksellers Association, 1986
- Quill Award, Windsor Press Club, 1986
- Speaker of the Year Award, Canadian Speech Communicators Association, 1986
- Corporate Citizen of the Year Award, Community of Business and Professional. Associates of Canada, 1988
- Lester B. Pearson Man of the Year Peace Award 1988
Pagkagadan baguhon
Si Hurtig nagadan sa edad na 84 sa helang na pneumonia sa Vancouver, British Columbia.
